餓媽家姐 (已搬遷) 新店位置

今日嚟尖沙咀呢边做完身体检查，之后就要好好奖励自己。行到嚟呢条街多嘢食，见到呢间餐厅有我最钟意嘅炸烧卖，谂都唔谂就入去。店员话最近佢哋出紧啲新口味嘅酱汁配炸烧卖，有成10几款选择，例如明太子、黑松露酱、美式辣酱等。我就拣左蒜香蛋黄酱，够晒惹味，又香，搭配炸到脆脆地嘅烧卖，太正了，忍唔住一粒驳一粒！我另外再拣咗个芝士菠萝安格斯汉堡包，汉堡包好出色，面包好特别系用咗，黑色外表，食落好松软。另外佢嘅patty非常之有惊喜，全手工制作，超出外卖店嘅水准，真系好味过好多西餐厅，牛脂味十足，食落Juicy唔会干，配埋菠萝就更加多一层清爽同甜味，而且仲有其他新鲜蔬菜例如蕃茄，沙律菜同青瓜，令Burger食落唔会太油腻，食材丰富真系令人大满足。