六合小巷 (已結業)

餐厅外挂住五颜六色嘅灯笼，好似天灯一样 ，好有去咗台湾嘅感觉。 内里座位舒适， 以木櫈同埋软皮卡位为主，唔会话好窄， 啱哂想一路倾计一路食嘢嘅人。本来谂住黎试下原只古早味菠萝，黎到先知道换左新餐单，一于试下新嘢啦。我同朋友各点咗一个一人套餐， 套餐可以自选一款主食 ，搭一杯饮品，仲附送一款当日指定嘅甜品，几抵食。我点咗个三杯鸡便当， 便当用餐盆载住，包含一个卤肉饭，三杯鸡，同埋青瓜木耳酸萝卜三款小食。 肥美嘅猪肉切成丝，炒成糖色， 经过卤煮之后， 配上酱汁淋喺饭上面，送饭超香口。 三杯鸡加入咗原粒蒜头 ，辣椒切段同埋姜片爆香，非常惹味。 鸡肉入口嫩滑，堪称白饭杀手， 送饭一流。豆酱蒸比目鱼鱼肉结实，入口嫰滑，煮得啱啱， 配上豆酱更能带出鱼嘅鲜味， 餐厅重加咗条菜心畀我添 🤣六合招牌鲜果茶原先以为果茶会系偏酸嘅 ，饮落微甜好易入口。抹茶拿铁抹茶拿铁胜在唔甜，茶味好出。 啱晒我呢啲怕甜嘅人。卤鸡翼鸡翼一客5只， 佢嘅卤水有少少似茶叶蛋咁带有药材味， 食落入味唔油腻。