影片
更多
2022-10-12
190 浏览
Little Cove Espresso📍西环坚尼地城新海旁3-5号五福大厦地下3号舖我嘅日文buddy最近都有同我去探索唔同嘅餐厅，佢之前食过一次西贡嘅Little Cove，知道佢哋最近新开咗间分店喺坚尼地城，于是就约我喺佢放假日同佢食个靓brunch！我哋去嘅当日系开业第三日，店员全以后生仔女为主，每位睇落打扮都好有个人风格，但亦好亲切，会介绍唔同推介嘅菜式俾客人。店内环境好靓，简约适合打卡，楼底高坐得好舒服！喺lunch hour前可以直接walk-in拣位坐，但lunch hour就见门外有人龙，果然好受欢迎！💰$110手撕猪肉吐司 🐖呢款吐司真系一试难忘，佢哋烤到个包脆得嚟唔会一切开就散哂，好有咬口。手撕猪肉好嫩，似中东料理调味，加埋紫椰菜一齐食，重口味得嚟不失清新感。画龙点睛嘅系碟边嘅aioli，即系蒜泥蛋黄酱，微辣但放喺猪肉吐司上面食非常夹，唔会喧宾夺主，十分推介！💰$145慢煮羊肉 🐑无食牛肉之后，可以食到最浓肉味嘅应该系羊肉，好多人都会派羊肉阵膻味，但我自己系几钟意呢阵味。呢个午餐主菜嘅主肉以慢煮方式烹调，羊肉好淋食，啲肉用刀叉好易就可以分开一丝丝，我剥咗几只牙都食
📍西环坚尼地城新海旁3-5号五福大厦地下3号舖
我嘅日文buddy最近都有同我去探索唔同嘅餐厅，佢之前食过一次西贡嘅Little Cove，知道佢哋最近新开咗间分店喺坚尼地城，于是就约我喺佢放假日同佢食个靓brunch！我哋去嘅当日系开业第三日，店员全以后生仔女为主，每位睇落打扮都好有个人风格，但亦好亲切，会介绍唔同推介嘅菜式俾客人。店内环境好靓，简约适合打卡，楼底高坐得好舒服！喺lunch hour前可以直接walk-in拣位坐，但lunch hour就见门外有人龙，果然好受欢迎！
[价钱 Price]
💰$110
手撕猪肉吐司 🐖
呢款吐司真系一试难忘，佢哋烤到个包脆得嚟唔会一切开就散哂，好有咬口。手撕猪肉好嫩，似中东料理调味，加埋紫椰菜一齐食，重口味得嚟不失清新感。画龙点睛嘅系碟边嘅aioli，即系蒜泥蛋黄酱，微辣但放喺猪肉吐司上面食非常夹，唔会喧宾夺主，十分推介！
[价钱 Price]
💰$145
慢煮羊肉 🐑
无食牛肉之后，可以食到最浓肉味嘅应该系羊肉，好多人都会派羊肉阵膻味，但我自己系几钟意呢阵味。呢个午餐主菜嘅主肉以慢煮方式烹调，羊肉好淋食，啲肉用刀叉好易就可以分开一丝丝，我剥咗几只牙都食到！佢嘅调味其实都似中东料理，香料味重得嚟仲食到羊肉原汁原味，加埋个颜色鲜艳嘅粉红色红菜头酱同面头嘅芝士碎嚟食，无得弹！我特别欣赏佢用broccolini嚟做伴碟，一嚟唔系咁常见，二嚟佢比broccoli淋身，切同食都比较方便！
[价钱 Price]
💰$38
抹茶牛奶 🍵
呢杯latte系标准拉花，味道一般无特别，抹茶同奶嘅比例平均，饮落无苦涩味同顺好，呢个价钱嚟讲，好抵饮。
[价钱 Price]
💰$38
小白咖啡 ☕️
Buddy总共叫咗两杯coffee，分别系一杯dirty同一杯flat white，我唔太好咖啡，但听佢讲呢杯好饮啲。佢个拉花好靓，系一只天鹅，打卡一流！
[价钱 Price]
💰$369
两个人好chill咁享受咗一餐brunch嘅时光，得闲就影下周边环境，不时又一齐睇下书，好写意，希望可以多啲忙里偷闲嘅机会，平衡一下压力山大嘅工作同生活！如果佢唔系开得咁远，我都想再去试下佢其他嘅嘢食呀！
张贴
