樸生 (已結業)

今日入青衣揾fd打机，打到累累地同饿饿地，同佢落街揾下有咩食，由于佢话最近想减肥，咩都唔想食，咁岩经过呢间以素为主题的餐厅，估唔到佢又buy，所以就入左去啦！轮候系统都几先进，留下手机号码，就到的时候会通知，可以趁呢段时间行下街都仲得！餐厅主要分两个部分，第一个是像平常跟店员下单，第二个是半自助形式～最后我地都选左半自助的形式，有个餐可以自己叫，亦都可以自行出去拎野食！其实我都系第一次食全素架（我是食肉兽～），呢间餐厅似乎主打韩式素食，所以对于我来说就更加新奇！虽然说是素食，但食物种类都相当全面，估唔到素食都有甜品，食完完全冇罪恶感。呢度真系白饭任装！装完白饭就当然要加些许配料啦，粟米、菜就当然唔少得啦！
素食汉堡包好令我深刻，中间夹有多种菜肴，就算冇肉都好滋味，真系超级健康!素食自助餐食足90分钟，对于食物种类以及食材的质素，我地都好满意，完全符合到餐厅的主题：朴素生活，提倡健康的饮食放题文化，而且又系平民价钱，对我来说简直是一个全新的感受！或者对于我呢D钟意食放题的食肉兽，呢间餐厅都是一个唔错的选择，十分欣赏！下次一定拉埋我D食肉兽FD子再来食！