影片
更多
2020-11-03
1923 浏览
之前食过太子分店，一试难忘，除咗环境装修得好靓，因为本身自己都系旅行友，好钟意收藏唔同地方嘅明信片，呢间Cafe用旅游做主题就啱晒我，加上食物质素唔错，价钱又唔贵，知道佢喺屯门市广场开咗新店，就带埋另一半过来。环境一见到店舖有啲惊艳到，因为同太子𠮶一间嘅装修截然不同，太子店走嘅风格比较亲民少少，而呢一间餐厅装修成个感觉高贵左，好似去咗高级西餐厅咁，但系都冇忘记到本身旅游嘅主题，周围放满唔同国家代表嘅装饰品。餐牌餐牌就做到成本杂志咁，一开头介绍餐厅嘅历史，中间嘅食物餐牌亦都全部附上图片，到餐牌最后系杂志形式咁介绍其他唔同嘅餐厅。照烧汁煎干蒜牛柳粒 $78$78食到牛柳粒价钱真系超级抵，份量亦都唔少，一上枱见到出晒烟，牛柳粒咬落去好松软，当然以$78嘅价钱，牛嘅质素唔会系特别高价𠮶种，但系咁大份饱肚亦都可以顶顶食牛之瘾。是拉差酱法国鸡翼 $68 另一半系是拉差酱嘅粉丝，见到佢唔系水牛城鸡翼而系特别少少用是拉差酱就叫咗，有五大只，外层果座炸粉去炸，但系一咬开唔会入边系空气，鸡翼真系好大只！鸡肉仍保持到嫩滑，带点微辣好惹味。黄金咸蛋苦瓜忌廉鸡肉意大利粉 $88当咸蛋遇上苦瓜会点样？有几夹㖞！整
环境
一见到店舖有啲惊艳到，因为同太子𠮶一间嘅装修截然不同，太子店走嘅风格比较亲民少少，而呢一间餐厅装修成个感觉高贵左，好似去咗高级西餐厅咁，但系都冇忘记到本身旅游嘅主题，周围放满唔同国家代表嘅装饰品。
餐牌
餐牌就做到成本杂志咁，一开头介绍餐厅嘅历史，中间嘅食物餐牌亦都全部附上图片，到餐牌最后系杂志形式咁介绍其他唔同嘅餐厅。
照烧汁煎干蒜牛柳粒 $78
$78食到牛柳粒价钱真系超级抵，份量亦都唔少，一上枱见到出晒烟，牛柳粒咬落去好松软，当然以$78嘅价钱，牛嘅质素唔会系特别高价𠮶种，但系咁大份饱肚亦都可以顶顶食牛之瘾。
是拉差酱法国鸡翼 $68
是拉差酱法国鸡翼
$68
29 浏览
0 赞好
0 留言
另一半系是拉差酱嘅粉丝，见到佢唔系水牛城鸡翼而系特别少少用是拉差酱就叫咗，有五大只，外层果座炸粉去炸，但系一咬开唔会入边系空气，鸡翼真系好大只！鸡肉仍保持到嫩滑，带点微辣好惹味。
黄金咸蛋苦瓜忌廉鸡肉意大利粉 $88
黄金咸蛋苦瓜忌廉鸡肉意大利粉
$88
44 浏览
0 赞好
0 留言
当咸蛋遇上苦瓜会点样？有几夹㖞！整个配搭有啲台湾嘅风格，将两样截然不同嘅食材配搭起上嚟嘅时候，咸蛋嘅咸香配上苦瓜嘅甘甜，做出惊喜，而本身咸蛋食得多会觉得好腻，苦瓜就有中和嘅作用，忌廉鸡肉本身好彩唔算好浓稠，食起上嚟负担咁就冇咁大。
日式大阪烧风味烟三文鱼薄饼 $128
日式大阪烧风味烟三文鱼薄饼
$128
50 浏览
0 赞好
0 留言
对上一次都有食薄饼，深刻印象系好似饼干咁薄，今次都叫咗呢款日式大阪烧风味烟三文鱼薄饼。上面铺满木鱼， 薄薄嘅脆脆饼底配上烟三文鱼，惹味又饱肚。
冰伯爵咖啡 $68
冰伯爵咖啡
$68
32 浏览
0 赞好
0 留言
既然将我最钟意嘅咖啡同伯爵茶混合起上嚟，梗系要试吓啦，外貌都十分讨好，饮落有微微伯爵茶香，但亦都冇盖过啡味。
抹茶可可朱古力 $52
抹茶可可朱古力
$52
26 浏览
0 赞好
0 留言
估唔到有变色效果！朱古力味浓郁，配上抹茶，咁大杯都几饱肚。
总括而言，唔会令我失望嘅餐厅，比起太子分店，两间分店嘅装修截然不同但各具特色，如果想浪漫啲坐得宽啲就来屯门分店。
张贴
