BRICK LANE Deli (已結業)

第二次食，都系食pizza，我钟意食薄底批，所以觉得好食，分量亦唔细，我同小朋友两份食都够饱，而且真系几经济，星期日都有holiday brunch，连嘢饮。加咗份薯条，20蚊，不过系幼身薯条，普普通通啦，𠮶松露酱都OK嘅。饮品系热咖啡，同屋企冲嘅差唔多，不过不失。真系要赞吓啲职员，虽然唔收加一，但会好主动帮忙，见有小朋友（其实都够高坐到櫈）即刻问要唔要bb櫈，而且会自动波攞埋小朋友餐具，仲要态度友善！听落好似好正常，但好多餐厅做唔到，分分钟要三催四请，黑埋你面。啲调味料系自助嘅，但见到隔嚟枱两位后生嘅食客唔知道，问职员攞，职员都有帮手，之后好有礼貌咁提返佢哋如果仲需要其他调味料可以出去自己攞。