添好運點心專門店 (裝修中)

添好运虽然点心款式唔多, 但胜在价钱都算适中同埋全日供应,晚餐都可以食到点心! 不过愈来愈多游客帮衬, 等位时间耐左, 想去食嘅人可能要早少少等位~酥皮焗叉烧包呢样系添好运嘅招牌菜, 同普通酒楼嘅叉烧饱相似, 不过佢外层就唔系普通面包, 而系酥皮! 酥皮入面包住叉烧馅, 成个口感外松内软,而且唔会似食完传统叉烧包咁饱济, 钟意酥皮口感嘅人可以一试!萝卜糕+金银蛋瘦肉粥呢个完全就系早餐嘅搭配XD 萝卜糕煎得几香, 瘦肉粥亦都好够味同埋都几大碗,  作为一个清清地嘅晚餐亦唔错!晶莹鲜虾饺每次都会叫, 虾饺皮几薄, 入面嘅虾都几爽口, 呢个价钱来讲算系有水准!蜜味叉烧肠肠粉皮薄, 不过入面嘅叉烧就一般啦, 同平时茶楼食开嘅差唔多, 无咩特别惊喜。北菇蒸鸡饭呢个系最近添好运先有嘅蒸饭(之前食过咁多次都无), 蒸鸡嘅份量都唔少而且几滑, 不过鸡肉就有D碎, 整体都几入味, 如果之后都keep住有嘅话都可能会再食返!