倫敦大酒樓

营业中

休息中

呢间酒楼都系旺角开左几十年，有时买完高达都会去食几笼点心。成间铺都充满情怀，仲有点心车同搭台，次次食都觉得返左细个咁。次次都食烧卖，算细细粒咁，有少少肉粒同虾粒，几好咬口，同埋好香菇味。雪白虾饺，有啲荀丝咁，普普通通。牛肉球就好弹口，而且好香茜味，牛肉味少左啲。凤爪好好食，啲汁个味好浓，而且全部凤爪，无花生，好抵食。啲排骨真系好多骨，咁先好，有骨嘅位肉味最香。下面啲芋头好多次都好粉，好好食。鸡札，入面旧鱼肚好好，好弹口，好入味，超好食。鲜竹卷，普普通通。牛肠，系几种肠最抵食，因为入面好多牛肉。至于个皮唔算好滑，但都正常嘅，架车焗住。炒粉面炒饭系半卖份量，两个人以上先好叫，如果唔系食唔晒。其实好抵食咖，附近啲茶仔好细碟都几十蚊啦。不过酒楼有时都会失手嘅。