影片
更多
2021-09-04
82 浏览
睇到网上嘅广告，爱酒朋友话想黎试下呢度个清酒放题，$168/位就可以任饮24款唔同清酒，入座后店员仲简介下清酒嘅种类，基本分四大类：薰、熟、爽、醇，爱酒朋友听到头头是道咁样，哈哈。呢个$168/位除左清酒，仲有啤酒，手调啤酒，葡萄酒，同汽水任饮，但如果对清酒无兴趣，都有得拣个$98/位任饮另外四样，再唔啱，可以散叫饮品，最好系唔使成枱叫同一个放题㗎，大家自律饮返自己点嘅饮品就得。一坐低就见到呢排酒，劲呀～朋友先拣左第一round饮上善如水，对清酒无乜特别喜好，就先试下呢支。听闻上善如水适合新手饮，入口很顺口，仲有啖啖米香添，不过酒精都几劲，饮两樽都觉得醉醉地。食物方面叫左黑松露炸薯条，呢样真系倾偈送酒良伴，炸得够香脆。焗三色日本元贝，有蒜蓉，黑松露同明太子口味，个人至爱明太子口味，咸香鲜味。烧鱿鱼又系好正，鱿鱼弹牙鲜甜，大类蒜蓉超香口。寿喜烧野菜顶级小肥牛锅，好大锅劲多肥牛呀，下层有娃娃菜，金菇等，汤头鲜甜，真系想叫个白饭送黎食。仲叫左蒜蓉焗蚝，做紧买四送一，香喷喷又肥美，连蚝汁都好鲜甜。最后就系烧鳗鱼，肥美鳗鱼无得弹，超好味。饮品自己叫左杯雀巢柠檬茶，1L杯真系超大杯，$28蚊好抵饮
呢个$168/位除左清酒，仲有啤酒，手调啤酒，葡萄酒，同汽水任饮，但如果对清酒无兴趣，都有得拣个$98/位任饮另外四样，再唔啱，可以散叫饮品，最好系唔使成枱叫同一个放题㗎，大家自律饮返自己点嘅饮品就得。
一坐低就见到呢排酒，劲呀～
朋友先拣左第一round饮上善如水，对清酒无乜特别喜好，就先试下呢支。听闻上善如水适合新手饮，入口很顺口，仲有啖啖米香添，不过酒精都几劲，饮两樽都觉得醉醉地。
食物方面叫左黑松露炸薯条，呢样真系倾偈送酒良伴，炸得够香脆。
焗三色日本元贝，有蒜蓉，黑松露同明太子口味，个人至爱明太子口味，咸香鲜味。
烧鱿鱼又系好正，鱿鱼弹牙鲜甜，大类蒜蓉超香口。
寿喜烧野菜顶级小肥牛锅，好大锅劲多肥牛呀，下层有娃娃菜，金菇等，汤头鲜甜，真系想叫个白饭送黎食。
仲叫左蒜蓉焗蚝，做紧买四送一，香喷喷又肥美，连蚝汁都好鲜甜。
最后就系烧鳗鱼，肥美鳗鱼无得弹，超好味。
饮品自己叫左杯雀巢柠檬茶，1L杯真系超大杯，$28蚊好抵饮。另外朋友叫左提子味手调啤酒，甜甜地好易入口。
下一转就叫左菠萝味手调啤酒，朋友话饮落似台湾菠萝啤。
最后仲试埋葡萄酒，哈哈，任饮咩都试下嘛。
落单纸未计加一的，最后埋单加埋一食左$720，两个人吹左一晚水，都几抵食吖。
张贴
