金鶴拉麵 (荷李活道) (已結業)

全清，系全清， 汤都清哂。呢间金鹤拉面我一早听过人地话好食。今次终于有机会食到，极推介。一入到黎，店员帮我地量体温，安排左一个舒适既角落俾我地坐。后来上番佢地fb专页，原来佢地系想俾一个舒服既环境客人食拉面，改变传统速食拉面既文化，咁佢又真系做到呢点。我地叫左一碗鸡白汤沾面，𩠌有3个选择，我地拣左一件叉烧，2件鸡胸肉。最出名既鸡白汤用黎做沾面果然系正！真系冇令我地失望，不枉我地专诚黎到。过左冷河既拉面好爽身，点落又热又浓既鸡白汤入面放入口，即时令个口腔以至喉咙都系呢浸鸡汤味。叉烧同慢煮既鸡胸肉都好嫰滑爽口，极推介！另一碗叫左今期先有既京都抹茶鸡白汤拉面。抹茶既味道同浓浓既鸡白汤好夹，加埋鲜甜既蟹肉，成个汤就系香浓肉味加好鲜甜既海鲜味。最后当然两碗都系连一滴汤都饮哂啦下次想试下佢个黑蒜汤拉面，见到隔离枱食好似好正！