兄弟出品

营业中

休息中

好开心屋企附近开左间串烧及焗饭外卖店。其实佢地开左三年，平时都有帮衬开，焗饭同串烧都十分出色。 三周年限定佢做返个羊架特价37蚊。 我平时唔食羊都觉得好好味， 成个羊架都好大件，好juicy同埋冇乜羊骚味， 个汁先冇得顶。 我喺呢段限定期间都买咗两件嚟食， 晚餐可以做锯扒🤣🤣🤣 超级抵食， 自己买都冇可能做到咁好食同埋成本真系好贵。另外就叫左个茄汁焗猪扒饭42蚊仲要送自家制腐竹蛋糖水。 成个饭都劲有诚意，仲要炒饭底， 猪扒劲香， 未食过嘅一定要试。 虽然附近好多学校， 好多食客都系学生同埋附近街坊，但绝对唔系普通学生颓饭。 呢个价钱呢个质数，我会话系全香港性价比最高的呢个腐竹蛋糖水又系好好味好足料 值得讲嘅系老板两公婆都超级好人 希望大家可以多多支持小店， 等佢有未来三年三年又三年。