影片
更多
2021-05-22
519 浏览
想食开胃嘢，第一时间谂到食惹味泰国菜，就即刻上OpenRice拣餐厅，见到呢间泰Cool有咁多好评，谂住冇死安全啦，点知就出事。一去到，因为比较早，得两三枱客，入到去见到啲櫈有不明碎，觉得少少污糟，但店员肯比第二张枱，态度都ok，就坐低咗，但原来呢个先系恶梦嘅开始。叫左四样嘢，冇样系人食，以下逐一介绍。青苹果冰茶，36蚊，加埋一要40，我以为系高质特饮啦，点知嚟到系柠檬片加茶（即系冻柠茶），再加少少青苹果糖浆，啲糖浆系个底仲未捞匀（张图已经系自己捞完），收人咁贵，可唔可以比啲诚意？呢个炒猪颈肉，我真系笑咗出嚟，请问餐厅对泰国菜嘅定义系唔系有啲误会？搞乜鬼好似大排档三色椒炒猪肉咁？仲要有中式芡汁.....啲猪颈肉又厚。系香港食泰国菜都预咗唔会咁正宗，但你直接将香港菜式当泰国菜，完全唔符合客人预期想要嘅嘢。呢个椰子鸡汤真经典，冇椰子味冇鸡味，又太酸，我哋放咗系到一阵，汤面浮起一层嘢，就系好似平时食公仔面浮味精喺汤表层咁，十成九系味精汤。啲鸡好鞋，成个汤最好味系块菇。再放多一阵，个汤变味，好似热咗嘅保矿力，结果几乎成煲冇饮。呢个一定系今晚嘅精华。一开头见到，觉得几靓，点知都系伏。上面啲芝士定
一去到，因为比较早，得两三枱客，入到去见到啲櫈有不明碎，觉得少少污糟，但店员肯比第二张枱，态度都ok，就坐低咗，但原来呢个先系恶梦嘅开始。
叫左四样嘢，冇样系人食，以下逐一介绍。
青苹果冰茶
$36
13 浏览
0 赞好
0 留言
青苹果冰茶，36蚊，加埋一要40，我以为系高质特饮啦，点知嚟到系柠檬片加茶（即系冻柠茶），再加少少青苹果糖浆，啲糖浆系个底仲未捞匀（张图已经系自己捞完），收人咁贵，可唔可以比啲诚意？
青胡椒炒猪颈肉
$88
16 浏览
0 赞好
0 留言
呢个炒猪颈肉，我真系笑咗出嚟，请问餐厅对泰国菜嘅定义系唔系有啲误会？搞乜鬼好似大排档三色椒炒猪肉咁？仲要有中式芡汁.....啲猪颈肉又厚。系香港食泰国菜都预咗唔会咁正宗，但你直接将香港菜式当泰国菜，完全唔符合客人预期想要嘅嘢。
椰子鸡汤
$88
11 浏览
0 赞好
0 留言
呢个椰子鸡汤真经典，冇椰子味冇鸡味，又太酸，我哋放咗系到一阵，汤面浮起一层嘢，就系好似平时食公仔面浮味精喺汤表层咁，十成九系味精汤。啲鸡好鞋，成个汤最好味系块菇。再放多一阵，个汤变味，好似热咗嘅保矿力，结果几乎成煲冇饮。
原个椰香海鲜焗饭
$138
21 浏览
0 赞好
0 留言
呢个一定系今晚嘅精华。一开头见到，觉得几靓，点知都系伏。上面啲芝士定白汁，好似鼻涕咁，食落去会反胃，个焗饭底就好似平时食焗猪扒饭咁，完全无泰国菜feel，仲要有三色豆，我未见过泰国菜有三色豆嘅，希望厨师可以做下research先。最好笑嘅系，因为呢个系椰青饭，咁个饭系有椰青块嘅，我好欣赏厨师有呢种创意，谂到椰青可以热食......但想问厨师自己到底有冇食过呢兜嘢？点解难食到咁都要为咗Gimmick拎出嚟害人？
呢餐垃圾食咗385蚊，完全唔值。
后记：
见到好多人话呢间嘢黄到金乜乜乜，黄店唔系大晒，政治系首要，但唔好食嘅都系要收档，物竞天择。我食完甚至系怀疑蓝店扮黄店，赚黄丝钱煮猪馊比人食。
我不断谂点解可以咁难食，系咪系厨师喺大排档做咗一个月学徒，比人炒咗，嚟咗呢到做，第一日番工？定系隔离营厨师过咗档嚟做？还是老细迫你要谂gimmick嘢，你谂到最后一刻先谂到椰青饭嚟敷衍老细？
希望餐厅有心做嘅改善下，但我应该唔会再嚟。
张贴
