影片
更多
2021-06-27
792 浏览
香港有好多高质汉堡店，过江龙，港式嘅为数都唔小，而湾仔，更加系出色汉堡嘅集中地。「Honbo」就系其中一间名声极响嘅汉堡店。点解佢名声咁响？全因为佢曾经喺2020年获得「Bloomberg」列入「全球最佳汉堡」四十二间里面嘅其中一间，亦系唯一一间香港代表。而国际旅游网站「Big 7 Travel」发布嘅「亚洲50间最佳汉堡店」中，佢亦获得第十三位，所以各大传媒报道均称佢为「全港最好味嘅汉堡」。「Honbo」有3间分店，今次我就嚟咗湾仔日街嘅本店。店铺装修简单但几靓，地方比较细，如果同朋友坐可能坐得逼啲。店铺里面墙上面嘅霓虹灯管装饰点缀咗成间店，几有特色。🍔餐牌上面有唔同类型嘅汉堡包，朋友分别叫咗「Honbo 1.5($138)」 同「Honbo 2.0($168)」连set ，我就单叫咗招牌「Honbo($98)」。「Honbo」同「Honbo 1.5」，「2.0」唔同就系份量上嘅分别，「Honbo 1.5」同「Honbo 2.0」分别有三块同四块两安士嘅汉堡扒，亦有「双重」同「三重」芝士。佢哋嘅汉堡扒牛肉系由美国入口，用咗七成美国USDA Prime牛肩脊同牛肋条再混合三成本地新鲜牛
「Honbo」就系其中一间名声极响嘅汉堡店。点解佢名声咁响？全因为佢曾经喺2020年获得「Bloomberg」列入「全球最佳汉堡」四十二间里面嘅其中一间，亦系唯一一间香港代表。而国际旅游网站「Big 7 Travel」发布嘅「亚洲50间最佳汉堡店」中，佢亦获得第十三位，所以各大传媒报道均称佢为「全港最好味嘅汉堡」。
「Honbo」有3间分店，今次我就嚟咗湾仔日街嘅本店。店铺装修简单但几靓，地方比较细，如果同朋友坐可能坐得逼啲。店铺里面墙上面嘅霓虹灯管装饰点缀咗成间店，几有特色。
🍔餐牌上面有唔同类型嘅汉堡包，朋友分别叫咗「Honbo 1.5($138)」 同「Honbo 2.0($168)」连set ，我就单叫咗招牌「Honbo($98)」。「Honbo」同「Honbo 1.5」，「2.0」唔同就系份量上嘅分别，「Honbo 1.5」同「Honbo 2.0」分别有三块同四块两安士嘅汉堡扒，亦有「双重」同「三重」芝士。
Honbo
20 浏览
0 赞好
0 留言
佢哋嘅汉堡扒牛肉系由美国入口，用咗七成美国USDA Prime牛肩脊同牛肋条再混合三成本地新鲜牛腩制成。牛肉食落好有咬口，好有口感，明显见到一粒粒肉，亦好嫩，生熟程度系刚好，配埋流出嚟嘅芝士，非常好味👍🏻
但对我而言，佢个包先系最惊喜嘅地方。好多地方嘅包都做得比较普通，但呢度做得非常有诚意。佢系以薯粉同牛奶去做嘅汤种面包，食落非常香软，厚薄程度亦系足够。同其他汉堡店最唔同嘅系佢无加蕃茄片，据闻系因为唔希望蕃茄嘅水份会整湿个包，所以如果好喜欢汉堡里面有蕃茄嘅朋友就未必适合。
Honbo 配Cheese Fries
$98
27 浏览
0 赞好
0 留言
🍟而朋友点嘅set，分别有Sweet Potato Fries，Cheese Fries同Chilli fries，薯条食落好脆口干身，Cheese Fries啲芝士更加系非常澎湃，食到底仍然有芝士。而蕃薯条就真系自带甜味，唔需要点酱汁亦可。Chilli Fries就真系非常大盘，如果食完个包再食就略嫌太多，想试可以同朋友share一份最好，但味道则偏咸，较重口味。
Honbo 1.5 配Sweet Potato Fries
$138
32 浏览
0 赞好
0 留言
Honbo 2.0 配Chilli Fries
37 浏览
0 赞好
0 留言
Honbo系一间绝对会令我留低深刻印象嘅汉堡店，因为佢系食物材料同埋细节上都同出面嘅汉堡店唔同，由面包到汉堡扒都有佢独有嘅特色同埋做法，整体味道亦系中上的，所以推荐如果喜欢食汉堡嘅朋友非常值得一试。
张贴
