影片
更多
2022-02-16
1130 浏览
我好钟意饮奶茶，一直都想揾有咩茶餐厅嘅奶茶系好饮，以前会好钟意金凤，因为食咗10几年，而且佢系奶味比较突出嘅奶茶，呢间系茶味比较突出，喺成年前已经试一次，今次特登再试都冇退步，甚至有奶茶关注组都有推介过，为嘅就系一杯瓦煲奶茶。 北记系一间系观塘牛头角街市熟食中心既餐厅，熟食中心系上世纪八十年代建成，而北记系1968年就开业，最初系牛头角下邨8 座楼梯口摆档，之后先搬入去熟食中心。餐厅由摆档开始已经系用瓦煲冲茶，由店主跟爸爸帮手个时已经用紧。瓦煲而家系买少见少，因为佢唔耐用，一个瓦煲可能用一两年就要换，所以好多茶档都嫌麻烦，用不锈钢嘅黎冲。不过瓦煲保温效果好，传热同埋散热比较慢，所以冇咁易冲茶冲到过火，所以冲出嚟嘅奶茶唔止无苦涩，而且仲有好香浓嘅香味，入口温润但唔会抢风头，老人家饮都唔会觉得好浓。店主话好多老人家日日黎饮，最老𠮶个有90岁，所以店主坚持平民价钱但品质不减，对得起日日帮衬嘅街坊。老人家钟意饮茶走，即系用炼奶而唔系用糖冲嘅奶茶，口感更加顺滑，除左嘢饮，呢度嘅猪扒面都系好多人会食嘅嘢。因为熟食中心系80年代起，所以呢度有大排档嘅味道，可以见到天花大风扇、粉红色墙砖阶砖，而北记就
北记系一间系观塘牛头角街市熟食中心既餐厅，熟食中心系上世纪八十年代建成，而北记系1968年就开业，最初系牛头角下邨8 座楼梯口摆档，之后先搬入去熟食中心。
餐厅由摆档开始已经系用瓦煲冲茶，由店主跟爸爸帮手个时已经用紧。瓦煲而家系买少见少，因为佢唔耐用，一个瓦煲可能用一两年就要换，所以好多茶档都嫌麻烦，用不锈钢嘅黎冲。不过瓦煲保温效果好，传热同埋散热比较慢，所以冇咁易冲茶冲到过火，所以冲出嚟嘅奶茶唔止无苦涩，而且仲有好香浓嘅香味，入口温润但唔会抢风头，老人家饮都唔会觉得好浓。店主话好多老人家日日黎饮，最老𠮶个有90岁，所以店主坚持平民价钱但品质不减，对得起日日帮衬嘅街坊。老人家钟意饮茶走，即系用炼奶而唔系用糖冲嘅奶茶，口感更加顺滑，除左嘢饮，呢度嘅猪扒面都系好多人会食嘅嘢。
因为熟食中心系80年代起，所以呢度有大排档嘅味道，可以见到天花大风扇、粉红色墙砖阶砖，而北记就喺熟食中心嘅角落，可以见到大大个白底红字嘅招牌，即使系朝早都差唔多座无虚席，虽然熟食中心好似好冷清，但北记绝对唔会。餐厅环境当然唔算好理想，因为唔系新式嘅熟食中心，不过都算企理。
餐牌非常简单，有好常见嘅公仔面、沙嗲牛、炸鸡翼、飞碟、奶茶咖啡，而我点嘅就系最多人食嘅雪菜猪扒面，价钱平民只系$35包埋嘢饮，冷热嘢饮都系同价。-
1️⃣ 雪菜猪扒面 💰35（👅: 7.5/10）
雪菜猪扒面
$35
88 浏览
2 赞好
0 留言
汤底就冇猪扒嘅味道咁重，唔系用调味包，盐味比较突出，唔会系想饮嘅汤，主要系靠猪扒既味道。
而雪菜同平时嘅唔同，颜色比较绿啲，而且硬身啲，咬落爽口，食落去唔会太咸。
面方面系用大光面，生熟程度算啱啱好，唔会太腍亦都唔会太硬，佢嘅辣椒油够香够辣，落少少令到味道提升唔小，呢个价钱来讲可以接受，感觉猪扒面同大坑嘅炳记茶档好似。
-
1️⃣ 煎蛋、牛油多士 💰0（👅: 7.5/10）
猪扒面
$35
66 浏览
1 赞好
0 留言
-
2️⃣ 热奶茶 💰0（👅: 9.5/10）
所有嘅面餐已经包左野饮，所以就可以试呢度嘅瓦煲奶茶，用传统瓦煲煲，所以特别保温，有问过店主用瓦煲系咪会特别好饮，佢就话其实冇咩特别只不过用左瓦煲几十年，个茶底唔好饮用瓦煲都唔会好饮。
热奶茶
65 浏览
1 赞好
0 留言
成日觉得一杯好饮嘅奶茶，就算唔使落糖都好饮，呢杯真系完全做到，因为佢奶嘅份量已经有足够甜度。饮完呢杯觉得佢唔止系观塘最好饮，都算系我嘅top1/2嘅香港热奶茶。
-
🌟食物方面就正常冇咩特别，胜在即叫即做，热辣辣，唔知点解每一个出名买奶茶嘅地方都系食猪扒面，好似大坑嘅炳记，如果系为食呢度嘅嘢就唔使特登嚟。
如果你好钟意叹香港嘅热奶茶，咁呢度嘅应该唔会令你失望，唔会输比中环兰芳园、上环炳记茶餐厅、大坑炳记茶档，呢度嘅系茶味比奶味突出，如果你钟意奶味突出啲嘅，湾仔嘅金凤一直都系我嘅最爱。要挑剔呢度嘅就系夏天嚟嘅话会有啲热，因为呢度始终系熟食中心，唔系新式𠮶啲有冷气。
咁用瓦煲冲奶茶究竟系咪好饮啲，唔敢讲，可能系因为茶底好，可能系师傅技术好，亦都可能系因为瓦煲，瓦煲可能只系呢度冲奶茶嘅习惯，不过瓦煲奶茶史会买少见少，系呢个年头仲可以有机会品尝，已经系最值得珍惜嘅一件事。再加上呢度有好浓厚嘅港式味道，朝早嚟帮衬过几次，见到有唔少食客都互相打招呼，有倾有讲，完全冇隔膜，睇嚟呢度唔止系食一碗猪扒面同饮一杯奶茶咁简单，而系食香港嘅风味同埋浓厚嘅人情味。
-
👅味道: 8.5/10
🍴环境: 6.5/10
💰消费: $35pp (服务费: NA)
张贴
