翠華餐廳 (海趣坊) (已結業)

早几日想食翠华，谂住打电话去外卖自取，叫了一碟唦嗲牛肉炒河、猪扒饱。热线中心话15分钟可以取，我便准时到达及付钱。去到佢地话又话要等等先有，好丫唔梗要我等阵。等咗几分钟，佢地先同我讲个餐牌改咗，依家嘅猪扒饱系大嘅，要另外加$11先得。买一个猪扒饱都搅到转来转去，同埋到依家先至同个客讲，我已经觉得翠华好唔专业。好啦，我照俾差价$11，我俾咗张$100，我收银员竟然找得$81俾我，又错(应该要找$89)，加减数都唔识，总之样样都错。一肚气拎个外卖返上楼，发现个河粉系一点镬气都无不特止，仲要系冻与暖暖地之间，个脆皮猪扒饱d皮系超淋又冻冰冰，总之难食到呕。总之，呢间翠华系全港最差最差，大家千万不要再帮衬。