影片
更多
2021-01-04
576 浏览
小弟好钟意去唔同Cafe，所以对唔同Cafe嘅咖啡同轻食都略有研究🤔 但从来未去过一间cafe佢上杯咖啡畀你需要一个钟，呢间咖啡店破埋纪录，全店连10个客都冇但系等左一个钟以上杯Latte都未到......如果间cafe畀人嘅感觉系舒服嘅令人愉悦嘅咁一个钟都还好，但系佢偏偏有块板叫你唔好大声讲嘢，我跟我同场嘅朋友只系以比正常细声嘅音量讲嘢，佢𠮶个小朋友waiter都要攞佢𠮶块「安静」嘅板出嚟三次；真心㖞我讲嘢仲细声过隔离小朋友打机嘅声，咁都要你提3次？真正最世界级嘅嚟啦，我同佢讲话埋单杯咖啡唔要嘅时候，佢个所谓「风雅」嘅老板竟然系厨房大声用英文叫出黎：「Look at the board！No Cancel！」 姑勿论你对「安静」嘅定义点解套用落客人而唔套用落自己度，我边忽似外国人呀？由头到尾我都讲广东话㗎㖞？咁我咪用英文同佢讲返：「I've been waiting for more than an hour! It's not about your board, but about usual cafe operation! And why English? But OK let'
但从来未去过一间cafe佢上杯咖啡畀你需要一个钟，呢间咖啡店破埋纪录，全店连10个客都冇但系等左一个钟以上杯Latte都未到......
如果间cafe畀人嘅感觉系舒服嘅令人愉悦嘅咁一个钟都还好，但系佢偏偏有块板叫你唔好大声讲嘢，我跟我同场嘅朋友只系以比正常细声嘅音量讲嘢，佢𠮶个小朋友waiter都要攞佢𠮶块「安静」嘅板出嚟三次；真心㖞我讲嘢仲细声过隔离小朋友打机嘅声，咁都要你提3次？
真正最世界级嘅嚟啦，我同佢讲话埋单杯咖啡唔要嘅时候，佢个所谓「风雅」嘅老板竟然系厨房大声用英文叫出黎：
「Look at the board！No Cancel！」
姑勿论你对「安静」嘅定义点解套用落客人而唔套用落自己度，我边忽似外国人呀？由头到尾我都讲广东话㗎㖞？咁我咪用英文同佢讲返：
「I've been waiting for more than an hour! It's not about your board, but about usual cafe operation! And why English? But OK let's sort it out in English! 」 点知佢又即刻淆底话：「I don't speak English！」
😰😰😰😰😰😰😰😰😰😰😰😰😰
妈我好乱呀我跟唔到呀😫😫 明明系你讲英文先㗎㖞，而家我讲英文你又听唔明？究竟「风雅」系咩意思呀？😵
虽然我唔系咩文人雅士，但系最少我都识一啲真正嘅文人雅士，佢哋都唔系咁样嘅？更加唔会过份推崇西洋文化，用英文就自命清高。 唔系钱嘅问题亦都唔系等待嘅问题，最后我系畀足钱先走嘅，但系呢一种虚假嘅「风雅」，都系留返「识欣赏嘅人」欣赏好喇🥴🥴🥴
抹茶Latte
$50
8 浏览
2 赞好
0 留言
张贴
