影片
更多
2023-11-25
12 浏览
暂时系我全香港最钟意嘅Omakase✨愿意花大量时间心机去处理食材，感受到厨师一丝不苟嘅匠人精神🥹 午餐已经食到多款当造食材，每道菜式背后都有一个故事，顺便上了宝贵一课。✨冰见寒𫚕😍打头阵已经咁劲！来自北海道既冰见寒𫚕，切成冰粒模样，味道接近中拖罗，但口感更幼滑，完全无渣，无筋。✨银鳕鱼白子我一向好抗拒白子，有部份餐厅会用蒸煮方法加酸汁，出到嚟嘅效果不但卖相似一Pat野，鱼腥味都几重🥹 而呢道菜我感受到厨师嘅功力，采用炭烧方式，外层有嚼劲，胀卜卜，内里保持creamy口感当造，味道鲜甜，齿颊留香。✨八爪鱼😍😍用心之作，先按摩一小时，再用大量蔬菜熬煮煮三小时，非常入味，香软，清甜。重点系个蔬菜汁都可以饮埋！好甜好幸福！✨北海道𩽾𩾌鱼肝 😍😍😍全港食过最好食既𩽾𩾌鱼肝！用慢煮方式，熬煮一晚，配搭小麦制成面豉酱、紫苏花一齐食，食落香滑，鲜味突出，好似雪糕咁🥹🥹🥹 男友终于明点解我咁钟意𩽾𩾌鱼肝了！同外面连锁店既𩽾𩾌鱼肝完全两回事！✨新鲜矶煮鲍鱼 😍😍😍用蔬菜熬煮入味，再配搭肝酱，最后用金莲叶清一清口腔。鲍鱼肉质细软，口感恰好，完全唔觉得腻或太重口味🤤✨金鲷立鳞烧配搭凤尾鱼汁，外层似薯片，底层
暂时系我全香港最钟意嘅Omakase✨愿意花大量时间心机去处理食材，感受到厨师一丝不苟嘅匠人精神🥹 午餐已经食到多款当造食材，每道菜式背后都有一个故事，顺便上了宝贵一课。
✨冰见寒𫚕😍
打头阵已经咁劲！来自北海道既冰见寒𫚕，切成冰粒模样，味道接近中拖罗，但口感更幼滑，完全无渣，无筋。
✨银鳕鱼白子
我一向好抗拒白子，有部份餐厅会用蒸煮方法加酸汁，出到嚟嘅效果不但卖相似一Pat野，鱼腥味都几重🥹 而呢道菜我感受到厨师嘅功力，采用炭烧方式，外层有嚼劲，胀卜卜，内里保持creamy口感当造，味道鲜甜，齿颊留香。
✨八爪鱼😍😍
用心之作，先按摩一小时，再用大量蔬菜熬煮煮三小时，非常入味，香软，清甜。重点系个蔬菜汁都可以饮埋！好甜好幸福！
✨北海道𩽾𩾌鱼肝 😍😍😍
全港食过最好食既𩽾𩾌鱼肝！用慢煮方式，熬煮一晚，配搭小麦制成面豉酱、紫苏花一齐食，食落香滑，鲜味突出，好似雪糕咁🥹🥹🥹 男友终于明点解我咁钟意𩽾𩾌鱼肝了！同外面连锁店既𩽾𩾌鱼肝完全两回事！
✨新鲜矶煮鲍鱼 😍😍😍
用蔬菜熬煮入味，再配搭肝酱，最后用金莲叶清一清口腔。鲍鱼肉质细软，口感恰好，完全唔觉得腻或太重口味🤤
✨金鲷立鳞烧
配搭凤尾鱼汁，外层似薯片，底层系蒸鱼口感，热辣辣，两重滋味，舒服！
✨寿司环节
真鲷：用柚子胡椒作点缀。
赤贝：酸酸地又带点清香，口感一流。
深海大池鱼：正常发挥。
墨鱼海胆：大推！两者完全融合，再加上淡淡紫苏花花香，呢餐饭嘅其中一个高潮😍
活北寄贝：鲜味十足！
牡丹虾：口感弹牙肥美，好饱但依然满意。
大拖罗：用米做既盐，好有趣，不过我太饱送咗俾男朋友食🤣
✨海胆手卷 😍
偏向鲜甜，口感绵滑，海水咸香味唔算重。重点系冇饭，可以认真品尝到海胆喺口腔爆发🤤
✨茶碗蒸·玉子烧·汤·甜品
自家制栗子蛋糕、橙果冻同抹茶奶冻，前面海鲜环节太惊艳，加上已经好饱，食到最后捧住个肚🤰🏻
张贴
