武士拉麵 (已結業)

系 openrice 见到咁多好评，对沾面全心全意既我紧系唔会错过，点知又一次中大伏!入到黎一间播住普通话歌既拉面店，唔紧要，啲伏系慢慢地黎料。绿茶完全冇茶味，饮得出用好劣下既绿茶粉加大量既水放左好耐，一对都唔热既又唔冻，完全室温。调味全部都系油，辣椒油，黑椒油，鱼油，以为好特别咩？唔系丫，系第二个伏黎。鱼油加落拉面既味道同蒸咸鱼既油一样味既？！叫左最贵既武士沾面，以为实冇死啦，加上本人沾面控。个汤一啲所谓既芥末同柚子味都冇，系得个咸字啰，又油。面质叫左普通，但劲硬，未食过咁硬以为唔熟既沾面，要硬着头皮先继续食落去! 最后叫左个温泉蛋。当晚半夜肚痛系咁屙，唔知系咪食错野呢？！绝对大伏! 俾钱买难受!