蛋撻王 (利東街)

营业中

休息中

旅发局攞嘅优惠券到期，因为嘥咗好多时间先至抢到旅发局推广冇人要嘅coupon，因为需要过湾仔，又从来未试过佢，又唔想嘥咗咁难抢到嘅20蚊coupon，所以先至冒著风雨去！由轩尼诗道拖住个好重嘅喼行十五分钟过去！我见到佢有一盒盒预先做好嘅花生卷，谂住之后仲要去坚尼地城睇戏，睇完戏又要返去荃湾！咁远路途！所以就攞咗盒花生卷加一支水去柜台畀钱！跟住个收银话：呢啲唔可以用优惠券买噃！跟住我唯有冒住啲蛋挞会变屎饼嘅风险买蛋挞啦！六只有五只都系㶶咗个底呀！咬落去都有啲㶶咗嘅气味！好似烟熏咁！人哋啲街坊小店出炉蛋挞好食过佢多多声！因为落雨佢冇人帮衬！个热板㷫咗成日！跟住㶶晒啰！其实有好多方法可以令佢保持温度，例如热灯啦... 如果你想食有烟熏效果㶶咗底嘅蛋挞就要去试下啦！仲话旅发局推广活动卑人抢coupon！所以旅发局下次有啲乜嘢推广真系要亲自去食过先至好畀佢参加！