影片
更多
2020-08-15
702 浏览
周末朝早去咗一个好耐都无去过嘅得宝商场度行，无意中发现呢间以刺猬做主题嘅cafe。估唔到得宝商场会有cafe，仲以为呢度得茶餐厅添。 餐厅位于得宝商场餐厅装潢开阳，座位唔算多，坐得好松动。门口有个好大个刺猬模型，入面有卖好多关于刺猬嘅商品。女士应该会好钟意呢度。 早餐选择算少，冇all day breakfast 同egg benedict，何况呢间都系以小店经营，可以接受。饮品方面就同普通cafe嘅差唔多，选择甚至比其他人多。 🍴latte 咖啡面头有一个用咖啡粉刻划嘅刺猬图案😝。咖啡香浓顺滑，好饮。冇乜野好过早晨吃返杯好饮嘅latte。 🍴烟三文鱼煎蛋配麦包（$45） 太阳蛋个底略嫌窿咗D。三文鱼质素正常，冇雪藏味，唔错。麦包烘得香脆，点埋蛋汁一齐食，一流。伴碟嘅有少少沙津菜同四季豆，整体黎讲正正常常啦。 🍴烟肉香肠煎蛋配法包（$48） 烟肉味道咸而香，唔会太油。香肠味道正常，煎嘅时间啱啱好。法包有两细片，份量有d少。两个餐同样分量较少，食完好快就饿。 价钱方面两份早餐加两杯饮品，总共$96。价钱合理，唔会太贵。 总括而言，如果住呢头附近间唔中过黎食吓都系一
餐厅位于得宝商场餐厅装潢开阳，座位唔算多，坐得好松动。门口有个好大个刺猬模型，入面有卖好多关于刺猬嘅商品。女士应该会好钟意呢度。
早餐选择算少，冇all day breakfast 同egg benedict，何况呢间都系以小店经营，可以接受。饮品方面就同普通cafe嘅差唔多，选择甚至比其他人多。
🍴latte
咖啡面头有一个用咖啡粉刻划嘅刺猬图案😝。咖啡香浓顺滑，好饮。冇乜野好过早晨吃返杯好饮嘅latte。
🍴烟三文鱼煎蛋配麦包（$45）
太阳蛋个底略嫌窿咗D。三文鱼质素正常，冇雪藏味，唔错。麦包烘得香脆，点埋蛋汁一齐食，一流。伴碟嘅有少少沙津菜同四季豆，整体黎讲正正常常啦。
🍴烟肉香肠煎蛋配法包（$48）
烟肉味道咸而香，唔会太油。香肠味道正常，煎嘅时间啱啱好。法包有两细片，份量有d少。两个餐同样分量较少，食完好快就饿。
价钱方面两份早餐加两杯饮品，总共$96。价钱合理，唔会太贵。
总括而言，如果住呢头附近间唔中过黎食吓都系一个唔错嘅选择。环境清洁，员工态度都几好。价钱唔算贵，食物都对得住个价格。但除非你系刺猬嘅fans，否则我都系黎一次就够。因为食物水准好一般。
张贴
