影片
更多
2018-01-21
396 浏览
呢一间叫 花说 嘅粉红色Cafe店其实都已经开咗有一段日子，不过见佢嘅人流旺盛而且地点对于小编来讲又唔系话好就脚，所以迟迟都未去试。不过放紧sem break有啲时间，而且见到佢哋嘅人流好似大不如前心谂应该唔使点等，所以最后都系决定去一去见识吓。之前都有上网睇都有人话服务质素麻麻，不过小编今次去到可能因为人流冇咁多，所以都有服务既。意粉一攞到上台真系超surprise，估唔到竟然咁有心机将烟三文鱼整成玫瑰花咁😍小编冇记错嘅话好似都有3块烟三文鱼架！不过明显食得出烟三文鱼真系啱啱系冰箱攞出黎，因为仲系冻冰冰㗎😂白汁嘅份量都几够下，意粉啱啱好可以捞埋啲白汁一齐食唔需要干争争咁食意粉，而且意粉亦都唔会煮得好硬，个人觉得意粉嘅软硬度适中。而佢哋嘅白汁亦都有好香嘅奶味，都算唔错，而且加左啲白蘑菇喺意粉里面，所以味道亦都唔会太dry。个人觉得呢个意粉都算唔错，而且玫瑰花烟三文鱼真系加左唔少分。呢一个All Day Breakfast真系超级丰富，但系个人觉得质素真系一般左少少。首先黑松露炒蛋方面，蛋炒得唔够滑而且蛋味亦都唔系好够香，黑松露味亦都唔够香。另外烟肉方面小编就觉得咸咗少少，不过如果夹埋个
不过放紧sem break有啲时间，而且见到佢哋嘅人流好似大不如前心谂应该唔使点等，所以最后都系决定去一去见识吓。
之前都有上网睇都有人话服务质素麻麻，不过小编今次去到可能因为人流冇咁多，所以都有服务既。
白汁烟三文鱼意粉
$88
32 浏览
0 赞好
0 留言
意粉一攞到上台真系超surprise，估唔到竟然咁有心机将烟三文鱼整成玫瑰花咁😍小编冇记错嘅话好似都有3块烟三文鱼架！不过明显食得出烟三文鱼真系啱啱系冰箱攞出黎，因为仲系冻冰冰㗎😂
白汁嘅份量都几够下，意粉啱啱好可以捞埋啲白汁一齐食唔需要干争争咁食意粉，而且意粉亦都唔会煮得好硬，个人觉得意粉嘅软硬度适中。而佢哋嘅白汁亦都有好香嘅奶味，都算唔错，而且加左啲白蘑菇喺意粉里面，所以味道亦都唔会太dry。
个人觉得呢个意粉都算唔错，而且玫瑰花烟三文鱼真系加左唔少分。
All Day Breakfast B
$98
29 浏览
0 赞好
0 留言
呢一个All Day Breakfast真系超级丰富，但系个人觉得质素真系一般左少少。
首先黑松露炒蛋方面，蛋炒得唔够滑而且蛋味亦都唔系好够香，黑松露味亦都唔够香。另外烟肉方面小编就觉得咸咗少少，不过如果夹埋个牛角包食会比较好少少，虽然牛角包牛油味好香，但个人就略嫌唔够脆口。另外呢一个All Day Breakfast里面有两条肠，一条系脆皮肠个人就觉得冇咩特别，而另一条就系德国肠，睇size都见到佢哋呢度嘅德国肠比平时𠮶啲大条，以味道方面亦都同平时食到𠮶啲有啲分别首先佢呢度嘅德国肠系冇咁咸，而且猪肉味比较香。而薯条方面小编觉得亦都整得好好味，薯条不但香口亦都好脆口👍而最后仲要介绍埋佢哋个大啡菇，大啡菇上面应该有啲芝士同埋沙律酱喺度，因为食到有少少沙律味，个人觉得都整得几好味嘅。不过个大啡菇里面有啲啡色嘅水，小编建议可以上碟之前倒一倒左啲水佢，因为都几影响食欲😂
独角兽
$48
48 浏览
0 赞好
0 留言
独角兽呢杯嘢饮其实主要就瞓咗上下两层，上面𠮶层就系波子汽水味梳打，以下面果层就系玫瑰梳打。讲真波子汽水味就比较淡少少，但系下面嘅玫瑰梳打味就超级浓郁，所以小编系比较建议将佢搅匀嚟饮，玫瑰味会比较平衡啲。而且搅匀左嘢饮嘅甜度都会比较均匀返少少。
虽然饮品嘅味道就唔算好特别，但系攞嚟打卡就一流呀！随手影都可以影得超级靓。
薰衣草白桃梳打
$38
50 浏览
0 赞好
0 留言
虽然呢杯嘢饮就唔系话特别靓，不过小编见到有薰衣草梗系要试吓啦！
饮品方面本身真系比较香白桃味，完全饮唔到有薰衣草味，不过如果将饮品表面𠮶两条薰衣草捞埋落去杯嘢饮度搞几搞嘅话，薰衣草味就会开始浸出嚟，所以薰衣草嘅味道可以根据自己嘅接受程度作出调整，所以个人都比较钟意你杯野饮，因为有小编最钟意嘅花香味。
之前亦都见到有人话店舖嘅装修好淘宝feel唔系韩式少女feel，不过个人就唔多认同啦，其实整体嘅装修都OK嘅。
张贴
