雲石小姐 (已搬遷) 新店位置

所谓早食早享受，距离中秋节尚余一个多月嘅时间，而家市面上已经有唔同类型嘅月饼出售；传统嘅好似五仁月月、莲蓉月；新派嘅好似流心奶黄、绿茶味、朱古力味，应有尽有。身边有位同事系珍珠奶茶控，佢话我听系尖沙咀 呢一间云石小姐今年就首创呢个珍珠奶茶味流心月饼。作为一个marketing人，所有事情都应该走在最前线，就买咗一盒返公司分享。去拎月饼嘅时候姐姐同我讲叮约十秒钟会做到更流心嘅效果，会更加好味。拎到返公司，叮完之后切开，果然见到一粒珍珠，相当有趣🤭流心嘅部分感觉唔会好肥腻，甜到恰到好处；月饼内馅嘅甜度亦都唔似传统莲蓉月饼咁甜到漏，食半个都冇问题；月饼皮香口松脆，纹理简单而清新。一盒六个嘅月饼包装相当精美，沿用传统嘅云石纹，独立包装，送礼自用亦可👍要喺市场上面突围而出，真系要花心思，今年有珍珠奶茶味月饼，唔知出年会唔会有奶盖味月饼呢🤔