616牛肉火鍋專門店 (已結業)

疫情关系好耐无打边炉，今晚突然好想打，就揾了呢间简单一点的，临时订枱都可立即订到，入到去7成满，呢段疫症期间算不错了。初时在一张两人枱坐低了，但刚有一张四人枱埋单，店员就主动叫我地坐四人枱，我谂她想客人坐得疏啲，安心啲。之后又给信封我们放口罩，给搓手液我们搓手。服务和卫生很不错！我们点了牛峰肉，牛横膈膜，牛尾滑，鸳鸯牛肉饺子。整体牛肉味不算太浓，本来见到牛峰肉张相好似和牛咁有好多油花，点知上枱嘅就系好似猪肉咁浅色嘅肉，入口先知比较有咬口。牛横膈膜就牛味浓一D,食多两旧就牛味就淡返晒。牛尾滑要捞蛋食，好滑。最后牛肉饺。有辣有唔辣，唔辣嘅入面嘅就系牛肉滑咁，熟左就好系台式香肠咁，而辣嘅就系麻辣，唔系好辣，但几惹味。每款$48，两个人都系食左320，算抵。食物一般，但服务很好👍🏼。