喜來稀肉 (已結業)

唔好意思，又系食韩烧啦！今次去咗旺角分店既喜来稀肉，座位比铜锣湾感觉上宽敞啲。而餐牌嘅内容2间分店系一模一样。枱面上嘅伴菜味道都系一样。今次同行朋友唔食猪，所以我哋决定要咗个全牛宴！首先有最快熟嘅牛舌，一开始咁肚饿梗系食啲快熟嘅嘢填饱左个肚先啦！牛舌好爽口，亦都唔会有𠮶阵怪怪的膻味，而且份量十足！相信大家都知道呢度最出名就系护心肉，其实我之前次次都叫猪嘅护心肉，今次系第一次试牛，原来同样出色！肉质非常柔嫩，肥瘦比例啱啱好，仲劲香牛肉味，好值得食！最后仲有每次都系啲点嘅喜来烤肉，份量同价系好多，记住烧之前点多啲腌汁会再juicy d!又系满足的一餐