丸·茶手作 (已結業)

係尖沙咀行街，口乾想買野飲既時候見到呢間野有啲熟口面。見到佢貼係鋪頭既報導先醒起成日都係ig見到人推薦呢間野，話咩全球首創，好勁咁，個個跟風去飲，搞到大排長龍。冇記錯佢好似係係何文田開先既，後尾先再開左間係尖沙咀。我就不嬲唔鍾意排隊，見佢冇咩人咁就買嚟試下啦。叫左杯珍珠奶綠，買得就梗係要叫佢招牌既桂花珍珠啦。習慣買呢啲手搖飲料都會叫少糖，但少糖完都係有啲甜，味道就一般啦。桂花珍珠係食到有淡淡既桂花味，幾有咬口，但唔明點解會吹捧到咁厲害，可能因為係獨家？🤔我就唔係啲咩珍珠奶茶專家，試完就算啦😂