影片
更多
2022-02-04
2581 浏览
其实本身都定期帮衬呢间酒楼，嘢食都好食嘅，但感觉越做越差，D伙计质数越嚟越低，之前亲眼见伙计同伙计嗌交，搅到叫外卖要劝交。有一次打电话叫外卖问多两个问题仲比伙计Cut我线……今次初四外卖体验，我根据酒楼提供外卖纸点餐，以为全程没有问题，到拎外卖发现每份贵咗$6，询问之下先讲新年价钱会唔同！（咁点解听电话果阵唔讲？）呢个都算，起码有解释。咁比完钱企咗埋一边，有个四眼唔知系咪经理行埋嚟问我等乜？我话拎外卖，佢叫我自己揾？R哂头……咁我话我见到，但应该有饮品，佢求其塞2罐芬达入袋，我话我想饮可乐，佢一句挞埋嚟，无得拣㗎喇！系得呢样……（咁点解听电话果阵唔讲？）之后想要包辣椒油，四眼伙计又一句挞埋嚟，我呢度无！咁我问即系点？佢再答我呢度无！完全感受到佢拎都唔想拎比我咁……我再问咁即系点？佢先死死地气嗌机叫个点心阿姐入比我，其实点心阿姐本身就喺佢附近……（利申：果位四眼伙计本身坐咗喺度，绝对唔系好忙嘅节奏下要求佢帮忙，搭问题九唔搭八，完全问非所答，乜嘢叫我呢度无……唔通你袋喺袋咩！跟本每架点心车都会有……）
有一次打电话叫外卖问多两个问题仲比伙计Cut我线……
今次初四外卖体验，我根据酒楼提供外卖纸点餐，以为全程没有问题，到拎外卖发现每份贵咗$6，询问之下先讲新年价钱会唔同！（咁点解听电话果阵唔讲？）呢个都算，起码有解释。
咁比完钱企咗埋一边，有个四眼唔知系咪经理行埋嚟问我等乜？我话拎外卖，佢叫我自己揾？R哂头……咁我话我见到，但应该有饮品，佢求其塞2罐芬达入袋，我话我想饮可乐，佢一句挞埋嚟，无得拣㗎喇！系得呢样……（咁点解听电话果阵唔讲？）
之后想要包辣椒油，四眼伙计又一句挞埋嚟，我呢度无！咁我问即系点？佢再答我呢度无！完全感受到佢拎都唔想拎比我咁……我再问咁即系点？佢先死死地气嗌机叫个点心阿姐入比我，其实点心阿姐本身就喺佢附近……（利申：果位四眼伙计本身坐咗喺度，绝对唔系好忙嘅节奏下要求佢帮忙，搭问题九唔搭八，完全问非所答，乜嘢叫我呢度无……唔通你袋喺袋咩！跟本每架点心车都会有……）
张贴