影片
更多
2017-07-22
962 浏览
全程有专人服侍，绕埋手就可以等食，第一次咁爽叹海鲜蒸锅! 由食鸡煲开始，就有专人烹调。蒸锅时又有专人计时同蒸火锅料，蒸完仲要分埋𩠌，中途又不断收碟换碟。店员全程Stand By，仲要好笑容好态度，服务真系甜心周到。野饮自己攞，两个大雪柜，多数人都攞Vita Coco 椰子水，好少见餐厅有得饮嘛，超市卖廿几蚊，梗要试吓 但事实佢味道一般，唔系太出众。先嚟前菜，四人或以下:$20一份，五人或以上就两份。豆角同木耳味道少少麻辣，又几好食。再嚟就系什锦刺身拼盘或招牌鸡煲，食肉兽嘅我地梗系拣鸡煲! 太辣又食唔到，唔辣又唔惹味，叫左BB辣。专人帮我地煮埋，控制火候，临尾仲加埋油炸鬼，煮完香喷喷，鸡肉好嫩滑，油炸鬼就仍然香脆。跟住将南瓜、排骨、米、蟹盖放入锅做粥底，就可以开始蒸海鲜。蒸锅海鲜一大盘，抬出嚟时都好震撼。见到人地个火锅海鲜拼盘，再对比自己个蒸锅海鲜拼盘，好似大好多㖞心里暗爽，我呢个真系明显靓料好多咁。仲有一碟新鲜鲍鱼:全部用料都好新鲜，有啲海鲜仲郁紧添龙虾、太子象拔蚌、日本大元贝、纽西兰大圣子、大连鲜鲍鱼、沙井鲜甜生蚝、新鲜肉蟹。因为系用蒸，所有海鲜都能够保持原汁原味，真系特别鲜同甜。龙
野饮自己攞，两个大雪柜，多数人都攞Vita Coco 椰子水，好少见餐厅有得饮嘛，超市卖廿几蚊，梗要试吓 但事实佢味道一般，唔系太出众。
先嚟前菜，四人或以下:$20一份，五人或以上就两份。豆角同木耳味道少少麻辣，又几好食。
再嚟就系什锦刺身拼盘或招牌鸡煲，食肉兽嘅我地梗系拣鸡煲! 太辣又食唔到，唔辣又唔惹味，叫左BB辣。专人帮我地煮埋，控制火候，临尾仲加埋油炸鬼，煮完香喷喷，鸡肉好嫩滑，油炸鬼就仍然香脆。
跟住将南瓜、排骨、米、蟹盖放入锅做粥底，就可以开始蒸海鲜。
蒸锅海鲜一大盘，抬出嚟时都好震撼。见到人地个火锅海鲜拼盘，再对比自己个蒸锅海鲜拼盘，好似大好多㖞心里暗爽，我呢个真系明显靓料好多咁。
仲有一碟新鲜鲍鱼:
全部用料都好新鲜，有啲海鲜仲郁紧添龙虾、太子象拔蚌、日本大元贝、纽西兰大圣子、大连鲜鲍鱼、沙井鲜甜生蚝、新鲜肉蟹。因为系用蒸，所有海鲜都能够保持原汁原味，真系特别鲜同甜。龙虾啖啖肉，颜色雪白，肉质结实，连个头都有好多肉。
沙井鲜甜生蚝，因为冇货，换左美国桶蚝，更大更贵更肥美。蒸完都咁大只，对比返只叉，只叉顿时变得好渺小。
日本大元贝，肉质特别鲜甜，成只手掌咁大。
新鲜肉蟹，好厚肉。蟹一死左就变得唔新鲜，要好似呢只咁鲜味，一定系即㓥。
食完海鲜就食手切牛颈脊，两个人、三个人、四个人都系一碟，好似两个人抵啲㖞。啲雪花纹好靓，肉色鲜红，虽然嫩滑，但牛味唔太浓。
跟住就系六款蒸小菜入面拣一款小菜，我地拣左梅菜肉松蒸豆腐。豆腐好滑，但蒸出黎唔系热辣辣，系暖，可能蒸多几分钟会更好。 
呢个时候，一大锅绵滑粥底已经煮好。可按个人口味加入葱、芫茜同木鱼丝。
一人要食几碗先食得完，好大锅呀
最后有有Heart甜品 - 牛奶奶冻，一人一杯，奶味特浓。
仲未够? 一定要整返杯软雪糕，个甜筒好鬼脆，YUMMY~
蒸锅位位$338，火锅位位$258。食得多火锅，咪试吓蒸锅啰，咁靓嘅海鲜，咁专人嘅服务，我地已经好满意。
张贴
