影片
更多
2023-05-24
39 浏览
近期去过嘅Bar and Restaurant食物质素都唔错，几有好感，加上前排去咗基地贰食泰国fusion菜，味道都唔错，今次特登去埋佢姊妹分店——基地叁，食西餐。成间餐厅紫蓝色，好多光影，好似去咗梦幻太空舱。✔️基地叁重奏$138用金色三层架装住三款前菜，好适合打卡，仲可以少少地一次过试几款前菜！风干火腿配蜜瓜，充满咸香嘅ham、又甜又多汁嘅蜜瓜，几时都咁好食；柚子渍海鲜入面有7种海鲜，弹牙新鲜，加埋柚子汁更加清新；法式田螺底下嘅薯蓉好幼滑！✔️炭烤安格斯肉眼$268炭烤牛扒有轻微烟熏味，切开牛扒，入面保持到水份平衡，容易咬开，加上有一定厚度，几有口感！前菜薯蓉唔够喉，呢个dish都有配！✔️明太子蟹肉意大利粉$168意粉偏幼身，烟靭弹牙程度好啱我心水，明太子嘅份量好慷慨，个忌廉白汁又多又creamy，捞匀一齐食非常好味，每条意粉都挂满晒白汁！✔️ Base dessert platter $158呢个甜品系特别限定嘅，网上见到好吸睛，当晚好多枱都有点！8款小甜点有唔同味道嘅macaron同小蛋糕，同朋友边试边估味道，几得意！✔️ Taro Vanilla Smoothie $78紫薯味突出
✔️基地叁重奏$138
用金色三层架装住三款前菜，好适合打卡，仲可以少少地一次过试几款前菜！风干火腿配蜜瓜，充满咸香嘅ham、又甜又多汁嘅蜜瓜，几时都咁好食；柚子渍海鲜入面有7种海鲜，弹牙新鲜，加埋柚子汁更加清新；法式田螺底下嘅薯蓉好幼滑！
✔️炭烤安格斯肉眼$268
炭烤牛扒有轻微烟熏味，切开牛扒，入面保持到水份平衡，容易咬开，加上有一定厚度，几有口感！前菜薯蓉唔够喉，呢个dish都有配！
✔️明太子蟹肉意大利粉$168
意粉偏幼身，烟靭弹牙程度好啱我心水，明太子嘅份量好慷慨，个忌廉白汁又多又creamy，捞匀一齐食非常好味，每条意粉都挂满晒白汁！
✔️ Base dessert platter $158
呢个甜品系特别限定嘅，网上见到好吸睛，当晚好多枱都有点！8款小甜点有唔同味道嘅macaron同小蛋糕，同朋友边试边估味道，几得意！
✔️ Taro Vanilla Smoothie $78紫薯味突出又香甜，沙冰磨得好幼细，饮落好透心凉，上面𠮶层云呢拿cream得嚟好似雪糕，令饮品更加分！
✔️ Mango Apple Green Tea Smoothie $78
芒果苹果绿茶味嘅smoothie, 当中芒果味最出，好甜，入口好凉快！
10% service charge
张贴
