影片
更多
2020-01-05
1158 浏览
呢日呀妈唔煮饭，所以我放工炒两盒嘢返屋企做晚饭。同事推介呢间小店多时，但一直无的起心肝去试🙈，佢哋嘅综合评价系抵食、大份同有获气！我终于有机会试下了，睇下系咪真系咁高评价，哈哈。一去到舖位，就知道小店几受欢迎。西九food court大大话话都有超过60档，系得呢间排哂队，有人等紧。望下个菜牌先，有大量炒粉炒面都系卖紧$36，仲送饮品或者汤。另外，小菜就$4x到，包中国茶、白饭同汤，超抵👍。由于系逐碟即炒即煮嘅关系，所以买完真系要等10分钟到。我见有好多同路人，买外卖或堂食都有。我就要咗印尼炒饭同干炒猪扒河，两样都系$36，外卖加$1，跟餐要咗例汤。我一拎上手就感受到有几坠手，🥡外卖盒好大个，打开发现炒饭同炒河份量真系好多，而且系塞满成个盒，唔系得个盒大。例汤系🥕青红萝卜赤小豆汤，淡淡地，但无味精的，都ok，加上用咗唔少料去煲。干炒猪扒河，我想讲🐷猪扒份量唔少之余，仲好好味，又淋又有肉味，唔系𠮶啲雪肉雪到乜味都无，死死实实。呀妈已经讲定下次要食椒盐猪扒🙈。炒河粉就正常，食到尾有啲油。🇮🇩印尼炒饭，佢同我心目中嘅印尼炒饭唔系好同，我会话佢系咖哩炒饭多啲，或者系星洲炒米嘅炒饭版，哈哈。炒饭
呢日呀妈唔煮饭，所以我放工炒两盒嘢返屋企做晚饭。同事推介呢间小店多时，但一直无的起心肝去试🙈，佢哋嘅综合评价系抵食、大份同有获气！我终于有机会试下了，睇下系咪真系咁高评价，哈哈。
一去到舖位，就知道小店几受欢迎。西九food court大大话话都有超过60档，系得呢间排哂队，有人等紧。
望下个菜牌先，有大量炒粉炒面都系卖紧$36，仲送饮品或者汤。另外，小菜就$4x到，包中国茶、白饭同汤，超抵👍。由于系逐碟即炒即煮嘅关系，所以买完真系要等10分钟到。我见有好多同路人，买外卖或堂食都有。
我就要咗印尼炒饭同干炒猪扒河，两样都系$36，外卖加$1，跟餐要咗例汤。我一拎上手就感受到有几坠手，🥡外卖盒好大个，打开发现炒饭同炒河份量真系好多，而且系塞满成个盒，唔系得个盒大。
例汤系🥕青红萝卜赤小豆汤，淡淡地，但无味精的，都ok，加上用咗唔少料去煲。
干炒猪扒河，我想讲🐷猪扒份量唔少之余，仲好好味，又淋又有肉味，唔系𠮶啲雪肉雪到乜味都无，死死实实。呀妈已经讲定下次要食椒盐猪扒🙈。炒河粉就正常，食到尾有啲油。
🇮🇩印尼炒饭，佢同我心目中嘅印尼炒饭唔系好同，我会话佢系咖哩炒饭多啲，或者系星洲炒米嘅炒饭版，哈哈。炒饭好有获气，不过有少少㶶，可以接受。但如果下次嚟，我应该唔会要呢款。
总括嚟讲，我对口福小厨嘅评价同我同事所讲嘅系一致的，性价比高！抵食、大份、有获气、款式多，而味道亦都算系咁。如果平日lunch食，我自己一个一定食唔哂，呢次炒咗两盒三个人食都有剩😮。小店环境一般，主要有一个男人做厨师、一个女店员做楼面落单，做街坊生意为主；女店员都几nice，言谈间听到有啲街坊应该日日帮衬。我都会lunch嚟食多啲哈！温馨提示，小店有落场时间，下午茶时段系唔开的，唔好嚟摸门钉😬。
张贴
