初味 (已搬遷) 新店位置

好耐无食西餐，就上网揾下资料，就发现呢间餐厅啦。见评语都系话食材优质，性价比高等等，就打电话去book位啦。睇餐牌已经即刻锁定主菜，西班牙烧乳猪 + 炭烧加拿大猪鞍，嚟个全猪宴。其实都想食安格斯斧头扒，不过2个人怕食唔晒，留返下次多几个人一齐食先叫嚟食啦。西班牙烧乳猪真系要等一段时间先有得食，应该系即叫即烧，外皮脆卜卜之余，入面D肉都好滑，有好多肉汁，真系好好食，好食过有D酒楼嘅冻冰冰乳猪。食过乳猪本来以为加拿大猪鞍肉质会比较硬，但系猪鞍肉食落依然系嫩滑有肉汁，一D都唔输蚀畀乳猪，肉味比乳猪更加浓。