正 麻辣·茶·雲吞 (已結業)

男朋友问长沙湾有乜好西食，即刻search openrice啦，揾到间麻辣野，评分数目唔算好多，但全部都系好评，一于去试下！店舖位于斜路上，要花一点时间找找，舖里虽少但大概可以坐到十几人，亦算坐得舒服，特别要赞一赞员工服务态度友善细心。麻辣捞云吞入口麻香都够辣，加埋侧边嘅菜脯一齐食更多惹味。云吞馅满是肉，而且包得好结实。时菜健康点叫个菜，菜心苗好嫩，唔会好似平时系出面食果d油菜咁油，但略嫌冇乜菜甜味。川煎麻辣肠粉个人完全觉得煎肠粉系镇店之宝！即叫即煎，外层煎得香口，然后麻辣味慢慢地淡入，我同男朋友都食到舔舔脷！强烈推介！罗汉果野生灵芝男朋友见我有几声咳，所以拣左杯罗汉果饮，罗汉果味重，亦唔会太甜，不过就饮唔出灵芝味。