頂好海鮮酒家

营业中

休息中

系圆方睇完戏，行左出尖沙咀，行得有啲累，去左弥敦道老牌茶楼饮吓下午茶，茶楼门口贴满明星相，此茶楼似乎甚有名气㖞。星期六日不设特价下午茶，点心$2x起，茶位$11.8，尖沙咀来计差不多了。由于已吃过早餐，下午茶只点了四个点心。京式叉烧包一笼有两个，包面有点不一样外，同广东式叉烧包不大分别。包身软熟，叉烧馅甜甜地，几好味。腊味糯米包而加好少茶楼仲有得食，一笼三个，只只饱满，馅料几多，糯米饭烟韧，好食。香煎韮菜饼外皮像潮州粉果皮，煎得很油，入面除左韮菜仲有小小肉碎，虾米等，不难食但感觉有点怪。紫薯水晶包中式甜品水晶包，热辣辣软绵绵，入面系紫薯蓉，同小小奶皇酱，微甜，不错。同朋友一人一壶茶，佢要了潽珥，自己要了铁观音。潽珥无乜茶味，好深色但无味铁观音几好，好香好清，好茶黎。