十三少 (已結業)

呢晚我同朋友又到左元朗又新街食好西，见到【十三少】呢度有我地最爱嘅酸菜鱼和蟹饭，马上入去试试～晚市呢度好full, 几乎全场爆满啊！幸好也安排到我地坐卡位，位置宽敞，坐得舒服～入座时会送免费小食【酥炸黄豆】，脆卜卜好香口！好快就俾我地KO晒喇！前菜我地点左【椒麻皮蛋】，糖心皮蛋卖相好吸引～ 入口会慢慢溶化，幸好冇想像中咁辣，啲麻辣味会慢慢渗入去，在口里盘旋，很不错啊！必点呢度嘅招牌菜【酸菜鱼】，大份夹抵食，把新鲜炉鱼切成一片片，入口非常嫩滑，最正系无骨、啖啖肉，仲有菇类、莴笋和萝卜做配料，好足料呀！可以拣唔辣或者唔同嘅辣度，我地就拣左BB辣，味道啱啱好，唔会太刺激，哈哈～年尾多左蟹食，呢晚专登点左【香荷叶蟹饭】，两只蟹虽然唔算好大只，但胜在够新鲜，有肉有膏，入口鲜甜，啲饭吸尽蟹嘅精华，每一啖都好入味～呢餐有鱼有蟹，丰富又美味，仲几抵食，下次可以encore！