湘聚小廚

营业中

休息中

好日唔黎西环，朋友搬左过去系咁话好多好野食，今次带我地去食湘菜。好地到嘅一间湘菜店，店员都系讲普通话，不过当然都识广东话啦。 成个menu都系红色辣椒，不过好似可以拣辣/唔辣，所以大部份人都岩食。呢个铁板鱿鱼须好好食，好香好腻味，鱿鱼份量都好多，成大碟都系满满鱿鱼须👍🏻呢个味道唔算太辣，香口有镬气。手撕包菜同其他地方食嘅唔一样，多少少汁，爽口，唔辣，不过送饭一流。朋友重点推介孜然寸骨，唔好比佢红色辣椒吓到，其实唔算辣，孜然味重，肉亦唔鞋唔硬，好松软。口水鸡亦系另一推介，佢鸡肉好滑，个「口水」汁好好食，香味好浓，辣度适中，停唔到口。双椒蒸茄条我所有朋友都食唔到，话太辣，不过我食好钟意，茄条林滑，冇涩口，香辣好味，不过未必个个都抵得住个辣度。最后再黎多个水煮牛，劲大个煲，份量劲多，好多好多牛肉，牛肉亦都唔会过熟，入面亦都有火㶽粉，好香好好味😋整体感觉好好，正宗唔贵份量大，多d人一齐食最好，可以多叫几味。