綠野仙踪台式茶座 (已結業)

o黎过呢间o野食过几次, 我本身就对呢间o野一o的好感都冇o架喇, 次次都系女朋友要摸上去食o者。唔知系咪我女朋友唔好彩, 次次佢叫乜都迟四五个字, 今日仲衰, 佢叫o左个酱汁猪扒饭, 人人o的o野都o黎哂都唔见有, 连隔离台迟过我地o黎都o黎哂o野兼食完都仲未到, 过程中我地都催过三五七次, 终于o的饭到喇, 但系o的服务员完全冇歉意!最抵死系o个个收银, 我地隔离台有对夫妇, 应该系佢地熟客或自己友o黎o既, 带o左个BB o黎食饭, 有o野唔做, 不停走过o黎打牙较抱BB, 又唔知自己阻订, 三番四次撞到我, 我都有叫佢借歪佢都唔理, 系个熟客叫佢让开佢先有少少企开, 呢o的所谓服务, 有得俾零分我都俾要俾负分呀!我女朋友个猪扒饭就ok, 我碗海鲜泡饭就麻麻地, o的饭浸到发大哂先拎出o黎, 我女朋友叫o左一杯花生奶茶, 我就叫o左百香果绿茶, 两杯o野都唔系好够味, 另外我地叫o左一客咖哩角, 都算过得去o既。