小時光 (已結業)

本来听闻间餐厅d野几好食，环境又特别，就光顾一下，到场都几好，落单时个接待呀姨好似咩都唔识咁，落单揾来揾去，一d都唔熟，算啦，当佢新员工。之后，拎餐要自己拎，叫左2个餐1小食，要我行4次，1次系叫我出去拎1杯野饮，唔讲以为我自己系侍应。到食品，我老婆之前来过食麻辣三丝冷面，佢话面底转左菠菜面，辣酱变左分开放，仲要唔系之前d麻辣酱，好似变左豆瓣酱，完全唔好食。鸭肉鸭血面线，鸭肉得2旧块烟鸭胸，鸭血就唔弹牙仲有好多气泡洞。香蒜蛋饼蛋饼入面果条肠本来以为系台湾肠，但食落去同腊肠冇分别，同埋一d蒜味都冇。仲有饮品，鲜芋拿铁，系同芋头冲粉冲既，d芋边到鲜？仲有好普通既咸柠七，跟餐$10杯，份量一罐七起都唔够，旧咸柠直接放杯，冇切，冇工具比，我用筷子叉住咬开吉，冰又少，七起室温，第一次系餐厅饮到唔冻既汽水，超难饮。整体来讲，除左环境设计外，冇样野得，唔会再食。