明記麵食

营业中

休息中

呢间超迷你店由细食到大，听闻真系推住车仔档卖面卖到上舖。(今次仲唔系货真价实嘅车仔面？ ）-咁多年嚟，佢来来去去几款𩠌，面嘅选择亦都唔多，唔系油面就系米粉，唔好预会有上海面薯粉菠菜面。但好嘢唔需要多，萝卜入味清甜、猪肠干净嫩滑又有咬口，好地狱，好正。-识叫一定叫猪红，我敢讲，你喺出边唔会食到同类型嘅猪红，又滑又大件，好厚身，秘制汁料咸咸香香，打紧字都流紧口水〽️美中不足系份量有啲细，座位就更加系超迷你，又细又迫，肥咗少少🤏都要减肥先入到去。如果住附近或者附近工作，建议外卖。