影片
更多
2021-07-21
1069 浏览
俾三秒时间你答，如果我问你香港边度有好食嘅咖喱猪扒饭，你会介绍我去边度食？三、二、一⋯⋯ 🤔.会唔会系翠X、大快X定还是X兴呢啲卖各式各样美食嘅连锁茶餐厅或者快餐店？🤨 如果你问我喺边度可以食到全香港最好食嘅咖喱猪扒饭，我心入面只得一个答案：新景园。😏.其实新景园本身已经系一间非常人气嘅餐厅，因为佢嘅咖喱猪扒饭实在系太出名！但作为一间茶记，佢嘅咖喱猪扒饭居然卖到成$88一个（堂食）？！值唔值呀？.呢一日天文台悬挂三号风球，出面雷电交加雨风吹。闲日lunch hour再加埋滂沱大雨，都无淋熄一众一心帮衬新景园嘅食客（包括我自己）。😝😝 一去到餐厅门口，就见到门口左右两边都排满人龙，门口中央亦都企咗好多个等外卖嘅食客。天气咁差都仲担住遮喺度等，间嘢系咪咁坚呀？但因为咁，我对新景园嘅食物就越嚟越期待！🤣🤣.排咗半个钟左右，终于轮到我啦！🤩 一入座就即刻落单叫咗最出名最人气嘅咖喱猪扒饭！只消几分钟，一大盘咖喱猪扒饭就出现喺我面前。上菜时我真系吓亲，餐厅一啲都唔吝啬，一碟咖喱猪扒饭居然有起码十块猪扒，仲要嚿嚿都好大块，好大份呀！驰名猪扒系即叫即炸，非常热辣辣，外面只系有一层薄薄金黄色嘅炸粉，十分
.
会唔会系翠X、大快X定还是X兴呢啲卖各式各样美食嘅连锁茶餐厅或者快餐店？🤨 如果你问我喺边度可以食到全香港最好食嘅咖喱猪扒饭，我心入面只得一个答案：新景园。😏
.
其实新景园本身已经系一间非常人气嘅餐厅，因为佢嘅咖喱猪扒饭实在系太出名！但作为一间茶记，佢嘅咖喱猪扒饭居然卖到成$88一个（堂食）？！值唔值呀？
.
呢一日天文台悬挂三号风球，出面雷电交加雨风吹。闲日lunch hour再加埋滂沱大雨，都无淋熄一众一心帮衬新景园嘅食客（包括我自己）。😝😝 一去到餐厅门口，就见到门口左右两边都排满人龙，门口中央亦都企咗好多个等外卖嘅食客。天气咁差都仲担住遮喺度等，间嘢系咪咁坚呀？但因为咁，我对新景园嘅食物就越嚟越期待！🤣🤣
.
排咗半个钟左右，终于轮到我啦！🤩 一入座就即刻落单叫咗最出名最人气嘅咖喱猪扒饭！只消几分钟，一大盘咖喱猪扒饭就出现喺我面前。上菜时我真系吓亲，餐厅一啲都唔吝啬，一碟咖喱猪扒饭居然有起码十块猪扒，仲要嚿嚿都好大块，好大份呀！驰名猪扒系即叫即炸，非常热辣辣，外面只系有一层薄薄金黄色嘅炸粉，十分香口又酥脆，厚身又juicy，仲要一啲都唔嚡口，我真系劲惊喜，好食！😋
.
咖喱猪扒饭嘅咖喱同猪扒系分开上的～咖喱汁入面仲有一大嚿薯仔，不过薯仔就无事先炸过，如果炸过就perfect喇！新景园嘅咖喱汁几重椰香味，辣辣地咁，质地亦都几稠！唔好话我夸张，你净系俾兜咖喱汁我都可以捞两碗饭食！🤤🤤
.
食完真系好满足呀～我一定会再帮衬！其实我本身系无谂住介绍新景园俾其他人㗎，因为佢已经好多人帮衬同埋成日排晒长龙，我唔想又多一班「竞争对手」呀！不过佢实在系太好食，所以我忍唔住同大家开心share～如果你都钟意食港式咖喱猪扒饭，不如下次过嚟试下？😳
张贴
