影片
更多
2021-08-03
2544 浏览
好耐之前已经想去土瓜湾既 #HeySoNuts💛食甜品🍨，奈何当时屯马线🚇尚未开通就真系无乜动力去d唔太就脚既地方🙈数月前得知原来佢地旧年系旺角登打士街附近开设左一间分店，不论装修、餐具同食物都以型格黑色为主调，甚具神秘感🖤之前路经几次都总会见到要排队等位👫🏼👭🏻，今次到访亦唔例外，所幸星期日6点去到等左大约10分钟就可以入座🪑.旺角店所供应既菜式同土瓜湾店分别不大，有6款意粉🍝、3款饭🍛、3款汉堡🍔、仲有小食🍗、沙律🥗同all day breakfast🍱等；甜品除左有大热既梳乎厘pancake🥞，窝夫系列🧇又分为传统同麻糬馅，另外仲有法式千层酥系列同3款自家制甜品🍰，种类同口味都实在多到令人选择困难😆****************************** ✨自家制磨菇忌廉汁猫耳朵意粉🍄🍝 ($94)近年系cafe唔难发现猫耳朵意粉既踪影，而呢度既猫耳朵比平时食开既更有厚度，好有手工意面既嚼劲👅 加上一粒粒咁食感觉无条状咁饱肚，适合想浅尝/细食既朋友🙆🏻♀️至于个蘑菇忌廉汁好够香浓，加左唔少蘑菇🍄同洋葱🧅去炒唔会好寡； 如果按返大众cafe既消费水平 — 动辄过百蚊先食到一客意
好耐之前已经想去土瓜湾既 #HeySoNuts💛食甜品🍨，奈何当时屯马线🚇尚未开通就真系无乜动力去d唔太就脚既地方🙈数月前得知原来佢地旧年系旺角登打士街附近开设左一间分店，不论装修、餐具同食物都以型格黑色为主调，甚具神秘感🖤
之前路经几次都总会见到要排队等位👫🏼👭🏻，今次到访亦唔例外，所幸星期日6点去到等左大约10分钟就可以入座🪑
.
旺角店所供应既菜式同土瓜湾店分别不大，有6款意粉🍝、3款饭🍛、3款汉堡🍔、仲有小食🍗、沙律🥗同all day breakfast🍱等；甜品除左有大热既梳乎厘pancake🥞，窝夫系列🧇又分为传统同麻糬馅，另外仲有法式千层酥系列同3款自家制甜品🍰，种类同口味都实在多到令人选择困难😆
******************************
✨自家制磨菇忌廉汁猫耳朵意粉🍄🍝 ($94)
近年系cafe唔难发现猫耳朵意粉既踪影，而呢度既猫耳朵比平时食开既更有厚度，好有手工意面既嚼劲👅 加上一粒粒咁食感觉无条状咁饱肚，适合想浅尝/细食既朋友🙆🏻♀️
至于个蘑菇忌廉汁好够香浓，加左唔少蘑菇🍄同洋葱🧅去炒唔会好寡； 如果按返大众cafe既消费水平 — 动辄过百蚊先食到一客意面而言，个人认为呢客意粉系物有所值，再访会encore👍🏻
-
✨脏脏提拉米苏🍰 ($66)
为左贯彻返菜名「脏脏」，呢客tiramisu除左基本既可可粉亦唧左大量朱古力酱，加上面头既Oreo同威化饼饼碎，食落比传统既tiramisu会更有口感👄同埋朱古力味🍫会更加浓郁，无违和感得黎亦都几夹🤩
主体既cream cheese幼滑得好似食紧鲜忌廉咁，入面既手指饼都几湿润，只系某d部分并无完全浸到甜酒既就维持返饼干原有既口感，有对比之下就显得比较干同脆🤔
对于钟意tiramisu有重酒味🍾既我黎讲就几满意呢客tiramisu既味道，个人认为佢系本人至今食过酒味最重既tiramisu😍
-
✨姜味麻糬窝夫配粟子蓉及香草雪糕🧇 ($66)
食物加入麻糬已经唔系d咩新奇既事，只系麻糬窝夫居然有姜味真系令人意想不到😳
因为内有麻糬夹心，窝夫食落外脆内烟韧，烟韧控既我几钟意两者口感😋 食既时候仲会食到微量姜丝，淡淡姜味出现系口腔内，味道天然令人感觉好养生😆
至于旁边既栗子蓉🌰质感都几杰下，味道天然同时带有少少酒香🍾，绝非罐头粟子蓉既味道😌
可惜既系本人唔钟意食香草雪糕🍦，cafe内有雪糕既甜品价钱其实同样都系66蚊，想转换其他雪糕口味(绿茶🍵/朱古力🍫/士多啤梨🍓)居然要加钱(5蚊)先得，呢点真系唔太理解🥲
-
✨Bailey Mocha🍹 ($52)
除左大路饮品之外，呢度仲有供应3款coffee cocktail，身为bailey迷既我就拣左呢杯bailey mocha🌟
比较失望既系呢杯cocktail都几多冰🧊，bailey既味道其实被沟淡到唔太饮到佢原来既味道😖至于mocha选用左fruity blend既espresso shot，酸度会比较重；虽然cocktail面加左朱古力碎片🍫同可可粉，但同样都系因为冰块太多令mocha既朱古力味唔明显，整体黎讲呢杯cocktail会系偏水状唔会好似加左牛奶🥛既冻mocha咁咁醇厚😕
******************************
👧🏻人均消费：$140 (另+10%服务费)
😋味道指数：4/5
💰抵食指数：3.5/5
🪑环境指数：3.8/5
💁🏻♀️服务指数：3.8/5
👍🏻再访指数：4/5
-
📍Black Coffee
地址：旺角广华街3号地下3号舖
⏰营业时间：12:00–22:00 (Mon–Fri)；
11:00–22:00 (Sat–Sun & Public holiday)
张贴
