龍門冰室 (已結業)

之前同朋友两个人去左龙门冰室食饭, 两个人都叫左好多野食, 食到我地好饱, 而家再带大家同我一齐回忆下啦!我同朋友都点左个忌廉粟米汁龙利柳捞丁配冻柠茶。职员送菜效率都几快手, 好快就有得食又有得饮。冻柠茶一杯满, 都有好多片柠檬, 饮得出有茶既甘香同柠檬既酸涩味, 柠檬茶果然系香港茶餐厅既伟大发明!我朋友就饮黑牛, 有好多茶餐厅同冰室都买少见少, 难得呢度有就一定要试下!忌廉粟米汁好浓, 忌廉味好突出, 粟米粒粒饱满又香甜, 龙利柳都有两块, 都几好味, 鱼味都几出色, 肉质都几嫩, 值得一提就系呢个捞丁都配有几多菜, 即食面都几弹牙, 唔会煮到过左火, 好似糊左咁, 所以就算捞左汁, 都可以保留一定口感!小食就点左蜜糖鸡翼同韩式炸鸡。蜜糖鸡翼炸得好脆, 而且又相当入味, 出面蜜糖, 食落甜甜地, 几好食!好少见到冰室有韩式炸鸡食, 点都要试下, 送过黎见到都有好多件, 卖相同出面食既有D唔一样, 食落香脆肉嫩, 少少辣辣地, 几惹味, 里面仲有好多肉汁, 估唔到都几好食! 有D惊喜!总括而言, 呢度既食物种类有D特别同有创意, 同其他既冰室好唔一样, 而且都好好味, 有惊喜!