影片
更多
2017-11-16
1044 浏览
近年因为老婆转为偏向素食者，所以，有时对啲素食餐厅都会稍加留意，其实「2DP」都留意咗好一阵子，以中国茶联乘素食，概念几新，而且，睇佢风评不俗，所以，趁同老婆一齐出开嚟尖沙咀参加特会，就约埋朋友嚟一齐食晚饭。门面已经喺采开放式，晌外面已经可以对餐厅环境一目了然，而厨房亦一样喺开放式，睇到店员冲调饮品，师傅做菜嘅情况。而一室亮白，装修走简约路线，最花巧喺入面墙上富中国色彩嘅通花木架，摆咗好多小盆栽及陈年茶饼。座位唔多，正常餐枱亦唔多，我哋又唔想坐高脚枱，所以，要等张4人枱都要等好一阵子。而且，坐满人嘅时间，感觉喺有点逼。餐牌面已标明「茶、素食、甜品」，定位清晰。咁餐厅嘅名字「2DP」又何解呢？2DP即喺2 Decimal Places，两个小数位，取其精准化、标准化、现代化之意。引入中国名山高品质茶叶，以传统结果现代方式冲泡一杯优质茶饮，诚意所在，不过，相信限于茶饮吧！翻一翻餐牌，其实都好简单，头两版就喺各款饮品，包括传统嘅手冲 / 冷泡纯茶系列、富特色卖点嘅调茶系列、以茶代啡嘅拿铁系列；再下两页餐牌就喺食品，包括11款前菜及14款主菜，最欣赏喺每道菜列明有无蛋、奶、五辛、坚果……成份，
门面已经喺采开放式，晌外面已经可以对餐厅环境一目了然，而厨房亦一样喺开放式，睇到店员冲调饮品，师傅做菜嘅情况。
而一室亮白，装修走简约路线，最花巧喺入面墙上富中国色彩嘅通花木架，摆咗好多小盆栽及陈年茶饼。座位唔多，正常餐枱亦唔多，我哋又唔想坐高脚枱，所以，要等张4人枱都要等好一阵子。而且，坐满人嘅时间，感觉喺有点逼。
餐牌面已标明「茶、素食、甜品」，定位清晰。
咁餐厅嘅名字「2DP」又何解呢？2DP即喺2 Decimal Places，两个小数位，取其精准化、标准化、现代化之意。引入中国名山高品质茶叶，以传统结果现代方式冲泡一杯优质茶饮，诚意所在，不过，相信限于茶饮吧！
翻一翻餐牌，其实都好简单，头两版就喺各款饮品，包括传统嘅手冲 / 冷泡纯茶系列、富特色卖点嘅调茶系列、以茶代啡嘅拿铁系列；
再下两页餐牌就喺食品，包括11款前菜及14款主菜，最欣赏喺每道菜列明有无蛋、奶、五辛、坚果……成份，方便真正茹素嘅食客，并且页底写明揾埋注册营养师专业制订；
最后两页喺甜品及食材介绍，而甜品有刨冰系列、养生系列、小芭菲系列及特色茶系列，甜品嘅选择颇多。晌柜面落单后，就会由店员把食物送上，唔收服务费。
墨西哥粟米片配牛油果酱及蕃茄莎莎 $54叫个墨西哥粟米片喺友人嘅主意，粟米片喺现成货就唔使多讲，牛油果酱好软滑，最钟意喺捞埋酸忌廉一齐食，啲蕃茄莎莎比平时食嘅有少许唔同，带点辣劲，好醒神。
墨西哥粟米片配牛油果酱及蕃茄莎莎
$54
24 浏览
0 赞好
0 留言
海葡萄无花果沙律 $76日本嘅海葡萄虽然唔喺咩稀有食材，但唔喺咁多餐厅有卖，加埋老婆至钟意嘅无花果，所以，呢款沙律啱晒佢。沙律十分新鲜爽脆，淋上醋汁，但㗳落仲有啲菠萝嘅香味，似乎加咗少少菠萝汁；海葡萄喺啲藻类，无乜味，但卜卜脆，无花果好清甜，仲洒上点点蔾麦，好味兼好健康嘅一道沙律。
海葡萄无花果沙律
$76
35 浏览
0 赞好
0 留言
呢道菜喺招牌推介菜式之一，自然会带有期望。除咗有少少菇菌、杂椒，睇见海鲜喺以素虾为主，口感几爽弹，都几像真；意粉煮得咬口，个汁底亦几香咖喱味，但个咖喱味稍为单薄啲，即喺无乜层次，唔及印度咖喱般带唔同香料嘅层次，而较大问题喺汁底比较稀，令啲意粉唔喺好挂汁。
经典素肉酱意粉 $72另一款招牌推介，「经典」一词喺在于肉酱意粉喺意大利面中嘅经典，但喺「2DP」嘅出品就唔属经典，唔知喺咪素肉嘅关系，个肉酱真喺唔太香浓，当然，食开素嘅人士感觉可能唔同，所以，喜欢浓味嘅朋友依道意粉应该唔太满足到你。之前都讲过佢哋啲汁底偏稀，呢道意粉表露无遗，食完啲意粉个汁底可以当汤饮。
黑松露杂菌阔条蛋面 $76虽然唔喺推介，但觉得比海鲜意粉及肉酱意粉为好，一送到嚟，黑松露香极之突出，食一口，充满黑松露嘅味道，而且，混有好多杂菌，个人本身钟意真哋素嘅食材多过扮素嘅「海鲜」同「肉酱」，唯一挑剔喺啲阔条蛋面，有蛋香，却哋质感有啲散散哋，一咬就断，唔喺𠮶种柔韧嘅咬口感。此外，佢哋每款意大利面，都伴有一件香草法包，虽然焗得脆口，但有啲干，好似食饼干好过喺一件法包咁。
百年古树月光白茶 $48老婆见佢餐牌嘅介绍喺咁写「以300年以上古树，全人手制作而成，不经杀青或揉捻。」讲到真喺好劲咁，不过，老婆话味道真喺无咩个性，小弟试咗两啖，都只可以讲唔识点欣赏古树靓茶啰。卖到近50蚊一杯，仲要以纸杯呈上，唔环保，观感又大打折扣，唯一自我安慰，就喺佢喺自然界最高抗氧化植物之一，比一般绿茶高出3倍，但偶然嚟饮一杯，相信无乜成效吧！
热情果柠檬茶 $38之前介绍餐牌时，提到饮品有一组调茶系列，当中再细分茶底为铁观音、古树白茶、古树红茶，而友人呢杯「柠茶」喺属于白茶底，加入热情果肉及柠檬片，佢话味道真喺唔错，酸香得嚟唔会过酸，好清爽，但真喺唔使落到近成半杯冰咁多啰。
古树红茶拿铁 $42去茶记我就首选奶茶，去咖啡店首选喺拿铁，呢杯算唔算喺一次过满足「两个」期望！其实，叫拿铁只不过喺以奶泡撞红茶，并无咖啡成份。拉花欠奉，口感唔均匀，都喺撞奶泡嘅手势问题，唯一喺茶底几够香，但餐牌就无特别介绍呢只古树红茶有咩功效喇！
雪莲．铁观音小芭菲 $66友人对甜品唔好，所以，只喺我俩公婆点咗一客甜品试试。有雪莲，有桃胶，再配上铁观音意大利雪糕及新鲜杂莓，依一款相信既好食，又养颜嘅甜品啱晒老婆。雪糕嘅茶味非常突出，而且，有奶香，质感黏滑，面头嘅雪莲，食落似似哋椰果，有抗衰老及增强免疫力之效，而琥珀色嘅桃胶喺天然树脂，最正喺清血降脂。不过，底下垫满「净」刨冰，如果，淋啲杂莓汁会好好多啰，食到尾，啲冰结到一嚿嚿，又硬又无味。
近年，不断有餐厅进驻入厚福街，越开越多，有地铺，有上楼，渐渐自我形成一条有名气嘅食街。香港地咩都有得食，所以，香港人真喺好有口福，而且，不时有新餐厅登场，确喺「厚」福无穷。可惜，本来对「2DP」满有期望嘅，但几道主菜、啲茶饮及甜品，都只可以讲喺一般般，同埋，呢道啲份量都偏细，招呼就还可以啦。
张贴
