東海酒家 (已結業)

黄霑写过词：东海嘉宾笑 海鲜眼眉调，最近一代才女林燕妮小姐大去，又想起二人种种，心血来潮，不如就去东海为公公同老爷庆祝父亲节，好耐无去喇！拣乐聚珍馔宴系有少少自私心，我钟意食海鲜⋯⋯有蟹钳同龙虾。话说我外公后生果阵系煮大镬饭嘅，几百人嘅汤同饭菜，佢出马就无问题，即使八十高龄仍然好嘴刁，稍为无睇头嘅菜牌我都唔会请佢去。今餐佢每味菜都有食，食嘅份量同我结婚果日有得挥，佢话嘅「唔错」即系好好架喇。食物份量刚好，龙虾伊面无令我失望，个汁好味，伊面索晒，唔似一般酒楼嘅面好似白烚左放番落去，不过伊面少咗d....（环保人士唔好意思）个翅好味，个汤唔系standard味。鲍鱼同花胶个汁就standard,不过系新鲜嘅。压轴果个寿包令我十分惊讶，未见过一个包塞一个流心鸭蛋黄，胆固醇爆标，但由于我钟意食蛋黄，都系吞咗落肚 lol赞完都要弹吓，上菜速度同准确度都有待改善，可能太多客？见上菜姐姐忙到头顶出烟。正日可能再忙d㖞。