稻香超級漁港 (已結業)

星期四同BF走左去沙田稻香打边炉，经理推介「大花竹虾刺身(6只)」，佢话每只都差不多有5吋，好好食，就听佢话试一试，$168连汤底1客。大花竹虾，我地试过生食同煮熟食，觉得生食鲜味D，虾肉几爽口，但唔够鲜甜。而佢地真系即叫即做，出餐时，个虾头仲识馥。另外，ORDER左1蚊鸡，真系劲抵食，份量唔细，虽然系冰鲜，但都好嫩滑。我同BF真食唔晒，但佢地唔俾我地打包，仲话下次可以ORDER5毫子鸡..... 唔系呀!? 个经理无讲过.. 其他食物，仲有美国牛肉、炸鱼皮、芝士虾丸、南瓜、翠肉瓜、云吞、水饺、鱼皮饺，水准都系几好，而我另一至爱就系芝士虾丸。稻香出品真系唔错。