影片
更多
2021-06-07
1393 浏览
📅突如其来的假期，又撞正懒懒熊放假日，又难得无喇喇想约熊妹去行下街，就紧系去食个休闲下午茶叹下先。今次就去左讲左好耐都未试过的《囍运冰室》食个茶餐厅下午茶。📌又有熊妹最爱的饱柜呀😍！旧时的冰室就系俾街坊街里闲时黎坐下，食个包饮杯茶，即使系新晋的冰室都会保留冰室原有的街坊味道，而且仲会加入现代人的口味，所以熊妹都几钟意去冰室食野，而不嬲都系茶餐厅忠诚粉丝的懒懒熊就不在话下喇。📌差唔多下午三点黎到，都全场满哂人，差啲要等位入座，咪话唔夸张。📌下午茶由下午二点半开始至六点，大路的下午茶都有，热狗🌭️、鸡髀🍗沙律、包点🥪、西多士🍞、饭🍛同意粉🍝都有齐，想轻食又得，饱食都得，价钱仲要相当便宜，$40-$49包饮品，冻饮加$3，系咪太抵食呢？吉列鱼柳沙律，$40熊妹想食鱼柳，又想食沙律🥗，吉列鱼柳沙律就岩哂喇。哗，几大块鱼柳，真系俗称大过块面，成条鱼柳型都出哂黎，吉列炸到金黄色，一睇都知抵食。吉列炸皮唔厚够脆口，鱼柳肉都厚身，唔系纸咁薄，啖啖鱼肉够淋，鱼味就唔洗要求咁多喇，点埋跟上的卡夫奇妙酱，就系冰室旧有的制作配撘，原始的味道先系最原有的味道。伴碟沙律🥗都好正，首先，系熊妹最爱的罐头什果沙律，然后
📅突如其来的假期，又撞正懒懒熊放假日，又难得无喇喇想约熊妹去行下街，就紧系去食个休闲下午茶叹下先。今次就去左讲左好耐都未试过的《囍运冰室》食个茶餐厅下午茶。
📌又有熊妹最爱的饱柜呀😍！旧时的冰室就系俾街坊街里闲时黎坐下，食个包饮杯茶，即使系新晋的冰室都会保留冰室原有的街坊味道，而且仲会加入现代人的口味，所以熊妹都几钟意去冰室食野，而不嬲都系茶餐厅忠诚粉丝的懒懒熊就不在话下喇。
📌差唔多下午三点黎到，都全场满哂人，差啲要等位入座，咪话唔夸张。
📌下午茶由下午二点半开始至六点，大路的下午茶都有，热狗🌭️、鸡髀🍗沙律、包点🥪、西多士🍞、饭🍛同意粉🍝都有齐，想轻食又得，饱食都得，价钱仲要相当便宜，$40-$49包饮品，冻饮加$3，系咪太抵食呢？
吉列鱼柳沙律
$40
35 浏览
0 赞好
0 留言
熊妹想食鱼柳，又想食沙律🥗，吉列鱼柳沙律就岩哂喇。
哗，几大块鱼柳，真系俗称大过块面，成条鱼柳型都出哂黎，吉列炸到金黄色，一睇都知抵食。
吉列炸皮唔厚够脆口，鱼柳肉都厚身，唔系纸咁薄，啖啖鱼肉够淋，鱼味就唔洗要求咁多喇，点埋跟上的卡夫奇妙酱，就系冰室旧有的制作配撘，原始的味道先系最原有的味道。
伴碟沙律🥗都好正，首先，系熊妹最爱的罐头什果沙律，然后，仲要捞上劲多的沙律酱，真系最经典最好味。
日本酱油炒滑蛋叉烧饭
$43
42 浏览
1 赞好
0 留言
大食懒懒熊下午茶真系食小吃就够咩？哽系要食饭！见到隔离枱碟叉烧滑蛋饭🍛劲吸引，正所谓隔离饭香🍚。
熊妹就问一问职员👩🏽💼隔离饭系咪下午茶份量？事关真系好大一碟！
黎到上枱，哗！真系咁大碟，唔讲味道，份量黎讲都已经够哂抵食喇！
面头系铺满一大堆热辣辣冒著烟♨️的香葱叉烧滑蛋，滑蛋坚滑流，劲多蛋汁又厚实，好多好多片蜜汁叉烧，唔系叉烧粒欺场，又无乜肥膏位，岩哂钟意瘦叉的熊妹口味，然后蛋汁又渗泄入白饭堆🍚，再加入日式酱油，岩哂钟意浓味又系饭桶的懒懒熊，而粗人食粗野，食唔惯贵价日式酱油味，仲额外加多点美极豉油调上鲜味，竟然又另一番风味㖞！果然系茶记粉丝！
冻柠茶
14 浏览
0 赞好
0 留言
例牌冻柠茶🍹，懒懒熊正常，熊妹呢排就爱上走甜少冰，茶味都岩哂大家的口味，唔错！
📌卖单加埋冻饮$89，九十蚊都唔洗，咁好味又岩口味仲要吃到饱，香港地，旺角地，边到揾呀？
张贴
