盈福小廚 (已結業)

闷闷地同个同事O完T两个人去食饭，见到间外型几靓既舖头， 就谂住入去豪食一餐入面啲装修都唔错，好有夜上海嘅感觉(而我不知道夜上海是什么~) 坐得都算几舒服好彩呢度D野食都唔算太贵，你知啦如果食得贵就俾女朋友闹架! 个同事又系搞笑嘅，竟然叫左个例汤，男人老狗学人饮汤降火! 今日例汤系粉葛鲮鱼赤小豆汤，OT完饮呢个真系超舒服啊~ 鲮鱼都唔算太咸而且店方仲将煲呢个汤嘅渣都俾我地，以示真材实料呢个炒饭成个火山口咁，其实味道真系几唔错，好入味，而且咸味相当平均，唔会好似有啲餐厅落盐，会令到你食食下变左食一旧盐~ 香葱味都好够，而且好似有少少虾酱味，份量FOR 2个人真系够，如果系女仔，可能3-4个人都得另外系呢度嘅名菜虎虾踏雪，简单嚟讲其实系上等版嘅虾仁炒蛋，不过佢用上虎虾做个虾仁，同埋改左做炒蛋白，加上一啲松子，整道菜变得平凡得嚟又唔平凡，而且重点系好好𩠌饭~ 不过同虾仁炒蛋唔同在于个虾仁同炒蛋分得好开~其实呢间野都几好味，咁样叫法，都只不过系每人二百几，不过唔好坐得太耐啰, 十点几都无哂人咯。