影片
更多
2018-10-29
237 浏览
衬住放假天气好就同男朋友入下科学园拍下拖，果到环境好又唔洗同人逼，假期都几多人踩完单车入黎食下野。行到4点几见饿饿地就揾左间西餐试，见佢下午茶都好多款式，价钱又唔贵。而且佢既装修令人好舒服，门口摆左啲盆栽同小树木，配衬埋木色家私，就算系室内都犹如置身大自然咁。其实佢都有户外位拣，不过我地怕热就冇坐出去。呢部超大电视机好吸睛，无论你坐到几远都睇到，好正！电视机下面系酱料自助区，想要几多酱就挤几多，都几齐备，水都可以自由斟。平时餐厅啲自助区域都会好乱好污糟，搞到我唔敢掂，啲樽会痴笠笠，但呢到摆放整齐之余，仲好干净，可以令客人放心使用。下午茶时段会有啲小食、包、pizza既餐拣。样样都觉得好吸引既情况底下，我地最后叫左三个餐食呢到除左一般奶茶咖啡之外，仲有果汁、花茶呢啲清新饮品，什至乎连酒都有，搞到我眼花撩乱。我地决定食秘制猪扒包配粗薯条（$45）+冻奶茶（$4）烟三文鱼牛油果牛角苏配粗薯条（$38）+热朱古力（$4）黑松露烤菇薄饼（$62）+冻朱古力（$6）餐牌写住猪扒包系秘制又系厨师推介咁就试下啦。包黎到既时候已经闻到一阵烧烤既香味，包系用软猪仔，非常之软熟。块猪扒望落好厚，以为会好硬咬
行到4点几见饿饿地就揾左间西餐试，见佢下午茶都好多款式，价钱又唔贵。而且佢既装修令人好舒服，门口摆左啲盆栽同小树木，配衬埋木色家私，就算系室内都犹如置身大自然咁。其实佢都有户外位拣，不过我地怕热就冇坐出去。
呢部超大电视机好吸睛，无论你坐到几远都睇到，好正！
电视机下面系酱料自助区，想要几多酱就挤几多，都几齐备，水都可以自由斟。平时餐厅啲自助区域都会好乱好污糟，搞到我唔敢掂，啲樽会痴笠笠，但呢到摆放整齐之余，仲好干净，可以令客人放心使用。
下午茶时段会有啲小食、包、pizza既餐拣。样样都觉得好吸引既情况底下，我地最后叫左三个餐食
呢到除左一般奶茶咖啡之外，仲有果汁、花茶呢啲清新饮品，什至乎连酒都有，搞到我眼花撩乱。
我地决定食秘制猪扒包配粗薯条（$45）+冻奶茶（$4）烟三文鱼牛油果牛角苏配粗薯条（$38）+热朱古力（$4）黑松露烤菇薄饼（$62）+冻朱古力（$6）
餐牌写住猪扒包系秘制又系厨师推介咁就试下啦。包黎到既时候已经闻到一阵烧烤既香味，包系用软猪仔，非常之软熟。块猪扒望落好厚，以为会好硬咬唔开果只，点知整得几林。加上猪扒腌过，系类似孜然粉咁，感觉都几特别。因为平时食既猪扒包都会落啲酱系包既中间，最多用沙律酱带出包既味道，但呢个包既调味主要来自猪扒，令人不禁会focus左块好好味既猪扒到。连埋一层层既菜同蕃茄一齐食，增加左成个包既口感。
牛角苏既卖相虽然麻麻地，但胜在够大条同埋热辣辣、好脆，包既中间夹满左烟三文鱼同牛油果，饱肚又好味
伴碟既薯条好粗身，咬落皮脆，薯仔既绵滑而又不油腻。
个pizza系我地岩岩食完个包既时候就黎喇，一阵阵黑松露既香味扑鼻而来，见佢个样芝士好多，饼底又薄，急不及待要拎一块试试。真系新鲜出炉嫁，热辣辣，饼底好脆，芝士有拉丝效果，如果钟意浓味的朋友就会爱上呢个，一个人绝对可以食一个。
饮品方面我地都冇叫啲特别野，反而俾到惊喜我。无论热定冻既朱古力，佢都有整埋泡沫，好用心，而且杯朱古力好浓，有质素！
张贴
