影片
更多
2015-11-09
186 浏览
话说去旺中Shopping之前，梗要食饱啲先！但要留弹药shopping，所以去左呢度附近食米线，贪平平地，又近。一坐低，叫左个鸡扒酸辣米线同，想叫多个小食，呀姨介绍食小云卷，我地就叫左呢2个，另外我叫多杯热柠茶，都系加几蚊。
鸡扒酸辣米线 $34Wa！洗唔洗咁大碗，好彩我地本身真系谂住share既。见到面头好多葱莞茜酸菜芽菜，我地都劲开心因为真系好中意食呢啲配菜(唔中意既一定要叫走，因为真系好多haha)一黎梗系饮汤先！个汤好好味，本身酸辣味似系煲出黎，而唔系沟出黎，虽然呢啲不嬲都有味精，但呢间既味精都算几轻手，饮完唔太有口渴既感觉。米线好多不在话下，米线系比较幼身果种，食落真系有米浆既味，令我同fd都好惊喜，真心估唔到会咁。鸡扒系炸过既，上面无掂到汤所以仲系脆口，可惜下面就淋左，如果可以分返开摆会好好多，唔洗浪费左炸既人一番心机，但鸡扒本身嫩口系抵赞既，食落亦似有腌到因为好入味。整体呢讲真系几高质，30几蚊一碗米线，系有心机既，份量又抵食。个碗仲要几可爱小云卷 $25呢个小云卷，其实系鱼肉打成，好似泰式果啲鱼肉卷咁，不过呢个炸到外面脆卜卜咁，入面既鱼肉几弹牙，斋食咸左小小，点埋个甜
一坐低，叫左个鸡扒酸辣米线同，想叫多个小食，呀姨介绍食小云卷，我地就叫左呢2个，另外我叫多杯热柠茶，都系加几蚊。
鸡扒酸辣米线 $34
Wa！洗唔洗咁大碗，好彩我地本身真系谂住share既。见到面头好多葱莞茜酸菜芽菜，我地都劲开心因为真系好中意食呢啲配菜(唔中意既一定要叫走，因为真系好多haha)一黎梗系饮汤先！个汤好好味，本身酸辣味似系煲出黎，而唔系沟出黎，虽然呢啲不嬲都有味精，但呢间既味精都算几轻手，饮完唔太有口渴既感觉。米线好多不在话下，米线系比较幼身果种，食落真系有米浆既味，令我同fd都好惊喜，真心估唔到会咁。鸡扒系炸过既，上面无掂到汤所以仲系脆口，可惜下面就淋左，如果可以分返开摆会好好多，唔洗浪费左炸既人一番心机，但鸡扒本身嫩口系抵赞既，食落亦似有腌到因为好入味。整体呢讲真系几高质，30几蚊一碗米线，系有心机既，份量又抵食。个碗仲要几可爱
小云卷 $25
呢个小云卷，其实系鱼肉打成，好似泰式果啲鱼肉卷咁，不过呢个炸到外面脆卜卜咁，入面既鱼肉几弹牙，斋食咸左小小，点埋个甜酸酱就good fit了haha~
个热柠茶真系喜出望外，茶胆够香浓，柠檬新鲜无雪过龙所以无涩味，估唔到一间卖米线既小店，水吧档竟然咁出色！
通常卖米线既小店，卫生环境都有啲保留，但呢度好干净好舒服，呀姨都好nice，叉足电之后，go shopping！
张贴
