影片
更多
2019-04-07
2613 浏览
食afternoon tea，洲际通常系不二之选，有落地玻璃，楼底高，坐得舒服。今次同好姊妹想试下第二间。金钟「Cafe Gray Deluxe」价钱平少少（$460 for 2），分量少d，但听闻质素都唔错。佢位处万豪酒店旁的Upper house（奕居），49楼的高度可以居高临下睇到两岸景色，本来reserve左窗口位，但最后都事与愿违，不过还好可以坐宽阔的四人位，唔驶面对面坐2人位咁局促同尴尬。Afternoon tea层架有3层，最顶系scone同芒果mousse。Scone系我最著重的一项，一般会有4个，而呢度得两个，还好系我喜欢的提子味。四方形外表有别于一般的圆形，面层亦唔系光滑果种，望落好似干干地，不过都唔会一切开就散晒。佢有3种酱畀你涂：士多啤梨果酱、clotted cream同比较少见的蜜糖，我最喜欢前两者同scone的配搭，蜜糖就冇咁夹。中间系咸点层，4款共有8件。Afternoon tea通常咸点做得冇咁好同hea（有d酒店只畀三文治），但呢度整体做得唔错，尤其最右边的truffle custard同左二的smoked salmon pumpernickel sa
佢位处万豪酒店旁的Upper house（奕居），49楼的高度可以居高临下睇到两岸景色，本来reserve左窗口位，但最后都事与愿违，不过还好可以坐宽阔的四人位，唔驶面对面坐2人位咁局促同尴尬。
Afternoon tea层架有3层，最顶系scone同芒果mousse。Scone系我最著重的一项，一般会有4个，而呢度得两个，还好系我喜欢的提子味。四方形外表有别于一般的圆形，面层亦唔系光滑果种，望落好似干干地，不过都唔会一切开就散晒。佢有3种酱畀你涂：士多啤梨果酱、clotted cream同比较少见的蜜糖，我最喜欢前两者同scone的配搭，蜜糖就冇咁夹。
中间系咸点层，4款共有8件。Afternoon tea通常咸点做得冇咁好同hea（有d酒店只畀三文治），但呢度整体做得唔错，尤其最右边的truffle custard同左二的smoked salmon pumpernickel sandwich。
最下面的甜点层冇华丽卖相，件件都好朴实，但都好高质，就算普通如中间果件blueberry pound cake，都松软好味，甜度适中。我就最喜欢左边的椰丝青柠挞，少少酸，好清新。
小学鸡口味的我地舍弃茶饮咖啡，选左两款ice tea，分别系peach同raspberry，颜色卖相都好靓，但原来好难饮😰，桃冇桃味，raspberry酸到眼都盲，但饮到一半，两杯都好似水咁淡，所以大家有机会去的话，千祈唔好叫。
张贴
