Oliver's Super Sandwiches (海富中心)

营业中

休息中

今日收工，饿到快顶唔顺，于是去左哩度食个下午茶。入到门口，总共有5个员工，企系收银处倾计，而客人只有一枱。我睇左一阵餐牌，跟住就系收银处买左个Honey ham and pineapple Toastie，饮热朱古力，之后该名员工就俾左张单同牌我。等左一阵，帮我收钱既员工叫左一声*喂，拎得啦！*我无理会佢，转个头佢再大声啲讲多一次*喂，啲野食拎得啦！*个一下我真系哑左，原来佢系叫我自己拎野食。系客人唔多，员工充足到可以企哂系度倾计既时候，佢竟然选择喂佢既客人，叫佢地自己拎野食，态度十分差劣。我唔介意自己拎野食，好似self service，但并唔系受到哩种态度既对待！而系食物方面，味道同普通系屋企整既三文治无咩分别，而本身只为医肚，所以期望亦不大。但杯热朱古力实在太差，我去过太古城个间饮过，热朱古力好热，朱古力味好重，相反哩间，一啲都唔热，只饮到水既味道，得好小既朱古力味，非常失望。服务太差，系员工充足，客人小量既情况下，用一啲咁既态度对待客人，非常差劣。另外系食品同饮料上，我相信需要改量，饮品味道不够，比麦XX还要差。我相信我会去返太古城个间，都不会再黎哩间。