Yukkuri

营业中

休息中

好耐冇食过难食餐厅，今日偏我遇上。唔明D正评系点得黎，食物质素系奇差。卖点系打卡able, 日系古董风，餐具靓，ig相好靓睇落以为好食，完全受骗。个南瓜汤最抢镜，suppose 系成餐既主角。一饮落口啖到近乎系冇味，连南瓜最基本甜味都冇，平时$100个西餐跟既餐汤都好饮过佢。请问个厨师有冇食过自己煮既野？ 即使个汤有埋tea light暖住、又加d泡系面整色整水都冇用，因为根本唔好饮。个set跟左三块面包同米意粉，用黎伴汤食，真系徙气。然后仲食左酥皮盒，野菜田乐烧，份量极少，冇调味亦冇特色，食完都唔饱。 唔好同我讲系玩「食食材本身嘅味道」，完全唔系𠮶个级数。Muji cafe 平佢一半，好食过佢十倍。同埋上菜唔系一个set咁上，毫无次序地逐样上，点都要等埋上齐先有得食，好奇怪嘅安排。相系两人份，咁样埋单$475，浪费金钱时间的一餐，离开餐厅时个人仲系饿，但已比左二百几数食晏🥲